Кайгуул милициясы: Ошто жүргүнчү ташуучу унаалар кабылган кырсык 150 пайызга өскөн

© Sputnik / Табылды КадырбековРабота бишкекских троллейбусов
Работа бишкекских троллейбусов - Sputnik Кыргызстан
Жазылуу
Транспорт министрлигинин алдындагы Ош аймактык транспорт башкармалыгынын жетекчиси Болотбек Тезекбаев Оштогу райондор аралык каттамдардын айдоочуларына бирдиктүү форма кийүү тапшырмасын берди.

БИШКЕК, 22-апр. — Sputnik. Жүргүнчү ташуучу унаалар кабылган жол кырсыгы былтыркы жылга салыштырмалуу 150 пайызга өстү. Бул туурасында Ош ОИИБдин Кайгуул милиция бөлүмүнүн техникалык көзөмөл тобунун кызматкери Алтынбек Турдубаев аймактык кабарчыга билдирди.

Капталынан жыгылган маршрутка. Кырсыктын жаңы видеосу чыгып, себептери айтылууда - Sputnik Кыргызстан
Капталынан жыгылган маршрутка. Кырсыктын жаңы видеосу чыгып, себептери айтылууда
Ал жыл башынан бери Ош облусунун аймагында эл ташуучу кичи автобустар катышкан беш жол кырсыгы катталып, анын кесепетинен беш жүргүнчү ар кандай жаракаттарды алганын кошумчалады.

Бишкекте жүргүнчү ташуучу кичи автобус кырсыкка кабылгандан кийин Ош шаарында айдоочулардын, ЖЧК жетекчилеринин катышуусунда жыйын өткөрүлүп, анда айдоочулардын жүргүнчүлөрдү тейлөө маданиятын көтөрүү, коопсуздук эрежелерин сактоо боюнча түшүндүрүү жүргүзүлгөн.

Маалыматтарга караганда, үч айда Ош облусундагы шаарлар жана райондор аралык каттамдардын техникалык коопсуздук эрежелерин сактабаган 836 айдоочуга 490 миң сом айып пул салынган.

"Кичи автобустардын катышуусундагы жол кырсыгы өткөн жылдын ушул мезгилине салыштырмалуу 150 пайызга өстү. Оштогу техникалык жактан бузук унааларды каттамга чыгууга уруксат берген айрым ЖЧКлардын көзөмөлдөөчү 50 механигинин ар бирине 5 миң сом өлчөмүндө жалпы 250 миң сом айып пул салынды", — деп билдирген Турдубаев.

Окуучуларды койдуруп кетүүгө шектелген айдоочу эмнеге качып кеткенин айтып берди - Sputnik Кыргызстан
Окуучуларды койдуруп кетүүгө шектелген айдоочу эмнеге качып кеткенин айтып берди
Транспорт министрлигинин алдындагы Ош аймактык транспорт башкармалыгынын жетекчиси Болотбек Тезекбаев Оштогу райондор аралык каттамдардын айдоочуларына бирдиктүү форма кийүү тапшырмасын берди.

"Айдоочулардын тейлөө маданиятын көтөрүүнү алгач бирдиктуу формага өткөрүүдөн баштайбыз. Рулда баратып телефондо сүйлөшүү, жүргүнчү талашуу сыяктуу кесепеттер жол кырсыгына себеп болорун айтып, түшүндүрүп жатабыз", — деди Тезекбаев.

Мындан бир нече күн мурда, Кайгуул башкармалыгы Кыргызстандын аймагында бир жума ичинде 116 жол кырсыгы катталып, 163 адам жабыркагандыгын билдирген.

Жаңылыктар түрмөгү
0