07:21 30 Чын Куран 2017
Түз эфир
Крушение самолета Boeing-747 в Дача-СУ

Өкмөт авиакырсыктан жабыркагандарга каражат кандай бөлүштүрүлөрүн билдирди

© AFP / Vyacheslav OSELEDKO
Коом
Кыскача шилтеме алуу
Дача айылындагы авиакырсыктын кесепеттери (203)
159 0 0

Каражат жабыр тарткандардын бардыгына берилмекчит. Анын ичинде турак жайынан ажырагандар дагы бар.

БИШКЕК, 21-апр. — Sputnik. Дача айылына кулаган Boeing-747 учагынан жабыркагандар атайын түзүлгөн комиссия менен биргеликте ӨКМдин атайын эсебине чогулган акчаны бөлүштүрүү жолдорун талкуулап, жактырышты. Бул тууралуу өкмөттүн маалымат кызматы билдирди.

Белгилей кетсек, 16-январда "Манас" аэропортуна жакын жердеги Дача айылына жүк ташуучу Boeing-747 учагы кулап, ал 39 кишинин өмүрүн алган. Анын чоо-жайын КМШнын мамлекеттер аралык авиациялык комитети иликтеп жатат.

Биринчи вице-премьер Мухамметкалый Абулгазиев башында турган өкмөттүк комиссия каза болгондордун жакындары жана жабыркагандар менен бүгүн жолукту.

Абулгазиев ӨКМдин атайын эсебине калктан 100 миллион 499 миң 300 сом чогулганын айтып, аны бөлүштүрүү каза болгондордун жакындары жана жабыр тарткандар менен биргеликте иштелип чыккан. Материалдык жардам каза болгондордун жакындарына, жабыр тарткандарга моралдык жана материалдык жактан жабыр тарткандарга дагы бөлүнөт.

Андан сырткары ата-энесинен ажыраган эки баланын эсебине дагы акча которулат, каражатты бөбөктөр 18 жашка чыккандан кийин колдоно алышат. Ошондой эле апасын же, атасын жоготкон алты балага да жардам көрсөтүлөт. Каза болгон 35 жарандын жакындарына жана түрдүү жаракаттарды алган 18 кишиге белгилүү суммадагы жардам берилет. Психологиялык жактан жабыркаган 27 киши да жардам алчулардын катарында бар.

Турак жайы толугу менен талкаланган жана жашоого  үйү мүмкүн болбогон (17 үй) тургундарга да жардам берилет.

Өкмөттүк комиссиянын мүчөлөрү жабыр тарткандар менен биргеликте Дача айылынын тургундарына моралдык колдоо үчүн 5 миллион сом бөлүү чечими кабыл алынган. Андан сырткары Дачанын инфраструктурасын жакшыртуу үчүн айылдын эсебине акча которулат.

Тема:
Дача айылындагы авиакырсыктын кесепеттери (203)

Тема боюнча

Дача айылындагы авиакырсык: жөлөк пул алуу үчүн документтер толтурулууда
Салянова: Дача айылынын жашоочуларынын маселесин тез арада чечүү зарыл
Белгилер:
авиакырсык, компенсация, Мухамметкалый Абулгазиев, Дача СУ, Кыргызстан

ЭҢ МААНИЛҮҮ