07:22 30 Чын Куран 2017
Түз эфир
Предполагаемый организатор теракта в метро Петербурга Аброр Азимов (справа) перед заседанием в Басманном суде Москвы.

Петербургдагы теракт: Азимовдун РФ жарандыгына кантип ээ болгону аныкталды

© Sputnik / Владимир Астапкович
Коом
Кыскача шилтеме алуу
Санкт-Петербургдагы метродогу жардыруу (34)
854 0 0

Жан кечти Акбаржон Жалиловду Аброр Азимов даярдаганын Россиянын Федералдык коопсуздук кызматы айтып чыкты. Мындан улам ал 45 күнгө камакка алынган.

БИШКЕК, 20-апр. — Sputnik. Санкт-Петербургдагы жардырууну уюштурган деп шектелип жаткан Аброр Азимов РФ жарандыгын атасы аркылуу алган. Анткени ал дагы Россиянын жараны болуп эсептелет. Бул тууралуу РИА Новости Оштогу генералдык консул Роман Свистинге таянып билдирди.

Аброр Азимов Москванын Одинцово районунан 17-апрель күнү колго түшүрүлгөн. Федералдык кызматтын маалыматына караганда, так ушул адам жан кечти Акбаржон Жалиловду теракт жасоого даярдап келген.

Свистин белгилегендей, Азимов дагы Жалилов сыяктуу эле ата-энеси аркылуу паспорт алган. Россиянын мыйзамына ылайык, эгер ата-эненин бири Россиянын жараны болуп, туруктуу каттоосу бар болсо, анын уулу же кызы дагы РФ жарандыгын ала алат.

"Мында бир айырмачылык бар — Жалилов РФ жарандыгын алган учурда 18 жашка чыга элек болчу. Буга байланыштуу Кыргызстандын жарандыгынан чыкты деген документ керектелген эмес. Ал эми Азимов Кыргызстандын жарандыгынан чыккан", — деди Свистин.

Генконсулдун айтымында, Азимовго РФ жарандыгын берүү алдында ал тууралуу бардык маалымат Кыргызстандан жана Москвадан дыкат текшерилген. Дипломат ал кезде Азимовго жарандыкты бербей коюуга негиз жок болгонун айтты.

Террорчулук менен айыпталгандарды РФ жарандыгынан ажыратуу боюнча мыйзам долбоорду төрт фракциясынын лидерлери даярдап Мамлекеттик Думанын кароосуна койду. Депутаттардын айтымында, аталган документ россиялыктардын коопсуздугун сактоого багытталып, РФ жарандыгын алган адамдарды террордук кылмыштарга баруусуна бөгөт коет.

Федерация Кеңеши мыйзам долбоорду колдой турганын билдирди.

Белгилей кетсек, 3-апрелде Санкт-Петербургдун "Сенная площадь" жана "Технологический институт" метро станцияларынын ортосунда жардыруу болгон. Акыркы маалыматтарга ылайык, андан 15 киши каза болуп, элүүдөй киши түрдүү жаракаттарды алган. Бул фактынын негизинде Россиянын Тергөө комитети теракт боюнча кылмыш ишин козгогон.

Тема:
Санкт-Петербургдагы метродогу жардыруу (34)

Тема боюнча

Петербургдагы жардырууга шектелген жаран 45 күнгө камакка алынды
Петербургда теракт жасады деп шектелген кишини кармоо учуру
Белгилер:
жардыруу, Акбаржон Жалилов, Аброр Азимов, Санкт-Петербург

ЭҢ МААНИЛҮҮ