БИШКЕК, 11-апр. — Sputnik. Кыргыз мамлекеттик медициналык академиянын командасы бешинчи жолу өтүп жаткан Бүткүл Россиялык олимпиадада "Бейтаптар менен мыкты иштөө жөндөмдүүлүгү" номинациясында мыкты аталган. Бул тууралуу медициналык окуу жайдан маалымдашты.
"Алтын медскилл — 2017" олимпиадасы И.М.Сеченов атындагы медициналык университеттин виртуалдык клиникасында өткөн.
Кыргызстандын намысын беш кишиден турган "Лига медиков" командасы коргогон.
Олимпиадага Россиядан, Кытайдан, Белоруссия, Казакстан жана Кыргызстандан барган 51 команда катышкан.
