БИШКЕК, 3-апр. — Sputnik. Борбор калаада Кыргызстан мусулмандарынын аалымдар кеңешинин жыйыны өтүп жатат. Алар эртеңки боло турган мусулмандар курултайынын күн тартибин бекитүү башында турган бир нече маселелерди талкуулашууда. Бул туурасында муфтияттан кабарлашты.
"Жыйында 2014-2020-жылга карата кабы алынган дин концепциясын оптималдаштыруу, имамдардын билимин жогорулатуу, конфессиялар арасындагы ынтымактуу бекемдөө маселелери ортого салынды", — деп билдиришти муфтияттан.
Эске сала кетсек, мындан бир айга чукул убакыт мурда Кыргызстан мусулмандан дин башкармалыгынын башчылыгына сынак жарыяланып, ага талапкерлер каттала баштаган.
Учурда талапкер шайлоого катышууда. Алардын бири — Кыргызстандын учурдагы муфтийи Максатбек Токтомушев, экинчиси — Ниязали Арипов.
