Өзгөн: жер көчкү жүргөн аймактын жашоочулары соттун чечими менен көчүрүлөт

© Фото / пресс-служба МЧС КРЖер көчкү. Архив
Жер көчкү. Архив - Sputnik Кыргызстан
Жазылуу
Көчкү түшкөн тилкеде жалпысынан беш турак жай жайгашкан. Бир үй-бүлө буга чейин коопсуз жайга көчүрүлгөн. Көчкү алдында калган төрт турак жайдын үчөөндө эч ким жашаган эмес.

БИШКЕК, 26-мар. — Sputnik. Жер көчкү жүргөн айылдын жашоочуларын коопсуз аймакка көчүрүү боюнча атайын штаб түзүлдү. Бул тууралуу өкмөттүн Ош облусундагы өкүлчүлүгүнүн маалымат катчысы Жумамидин Сулайманкулов аймактык кабарчыга билдирди.

Руководитель пресс-службы МЧС КР Эльмира Шерипова - Sputnik Кыргызстан
Радио
Элмира Шерипова: көчкү жүргөн аймакта 35 куткаруучу иш алып барууда
Эскерте кетсек, 26-мартта таңга жуук Ош облусунун Өзгөн районундагы Зергер айыл өкмөтүнө караштуу Ничке-Сай айылынын Топ-Жаңгак участкасында жер көчүп, бир турак-жайды басып, төрт балалуу үй-бүлө көчкү алдында калган. 

Сулайманкуловдун айтымында, аталган айыл өкмөттөгү жер көчкү коркунучу жогору болгон аймак элинин 80 пайызына буга чейин коопсуз аймактан жер үлүшү жана ссуда берилген.

“Жашоочулардын айрымдары жер үлүштөрүн сатып жиберип, кооптуу аймакта жашоосун улантып келишет. Өкмөттүн Ош облусундагы өкүлү Таалай Сарбашев жергиликтүү тургундарды токтоосуз көчүрүү тапшырмасын берди. Эгер көчүүгө каршы болгондор болсо, сот чечиминин негизинде көчүрүлөт. Учурда райондук штаб түзүлдү”, — деди ал.

Көчкү түшкөн тилкеде жалпысынан беш турак жай жайгашкан. Бир үй-бүлө буга чейин коопсуз жайга көчүрүлгөн. Көчкү алдында калган төрт турак жайдын үчөөндө эч ким жашаган эмес. 

Жаңылыктар түрмөгү
0