Канат Исаев Ноорузда ипподромго келгендерден кечирим сурады

© Пресс-служба правительства / Сабыр АильчиевЖогорку Кеңештеги "Кыргызстан" фракциясынын депутаты, Көк бөрү федерациясынын президенти Канат Исаевдин архивдик сүрөтү
Жогорку Кеңештеги Кыргызстан фракциясынын депутаты, Көк бөрү федерациясынын президенти Канат Исаевдин архивдик сүрөтү - Sputnik Кыргызстан
Жазылуу
21-мартта Бишкектеги "Ак-Кула" ат майданында Нооруз майрамына карата улуттук ат оюндары өткөн. Аны көргөнү келгендер ипподромго батпай, айрымдары темир аркаларга, бактарга чыгып алып көрүшкөн.

БИШКЕК, 24-мар. — Sputnik. Жогорку Кеңештеги "Кыргызстан" фракциясынын депутаты, Көк бөрү федерациясынын президенти Канат Исаев Нооруз майрамында ипподромго келгендерден кечирим сурады.

Ал өз кайрылуусун Facebook социалдык тармагындагы баракчасына жазган.

Белгилей кетсек, 21-мартта Бишкектеги "Ак-Кула" ат майданында Нооруз майрамына карата улуттук ат оюндары өткөн. Аны көргөнү келгендер ипподромго батпай, айрымдары темир аркаларга, бактарга чыгып алып көрүшкөн. Майрам күнү коомдук тартипти бузгандар жоопко тартыларын Бишкек ШИИБи билдирген.

"Таймашка болгону 4,5 миң билет сатылган болсо, көрүүчүлөрдүн саны 15 миңден ашты. Көптөр финалдык оюнду каалагандай көрүүгө мүмкүнчүлүк ала алышкан жок. Ал тургай айрымдары ат майданга кире албай да калышты. Албетте, бул көрүүчүлөрдүн күнөөсү эмес. Жаралган ыңгайсыздык үчүн уюштуруучулардын атынан кечирим сурайм", — деп жазган Исаев.

Нооруз майрамына карата Бишкектеги Ак-Кула ат майданында өткөт улуттук ат оюндарын көрүүгө келген шаар тургундары - Sputnik Кыргызстан
Кумарга баткан күйөрмандар: 4,5 миң билет сатылган көк бөрүгө 15 миңдей адам кирди
Ал ошондой эле 20 жыл мурун 57 гектар аянтты ээлеген ат майдан болгону 814 000 сомго сатылып кеткенин, бирок менчик ээлери бул убакыт ичинде эл үчүн эч кандай ыңгайлуулук шарттарын түзө албаганын баса белгилеген.

Андан сырткары, ипподромдун бүгүнкү базар наркы 57 миллион долларды чапчый турганын жазып, Нооруздагы оюн үчүн ижара акысына федерация 500 000 сом төлөп бергенин жазат.

Депутат борбордук ат майдан токтоосуз түрдө мамлекетке кайтарылып, көрүүчүлөр үчүн шарт түзүлүшү керектигин баса белгиледи.

Жаңылыктар түрмөгү
0