18:58 30 Бугу 2017
Түз эфир
Ала-Тоо аянтында шарик кармаган бала. Архивдик сүрөт

Кыргызстан бактылуу өлкөлөр рейтингинде 13 позицияга артка чегинди

© Sputnik / Табылды Кадырбеков
Коом
Кыскача шилтеме алуу
10620

Норвегия дүйнөдөгү эң бактылуу өлкө деп табылды. Ал эми Борбор Азия өлкөлөрүнүн ичинен бактылуулук жагынан биринчи орунда Өзбекстан турары белгилүү болду.

БИШКЕК, 21-мар. — Sputnik. АКШдагы Колумбия университетинин аналитиктери уюштурган Бактылуу өлкөлөр рейтингинде Кыргызстан артка чегинип, 98-орунга илинди.

Рейтингди түзүүдө алты факторго көңүл бурулат: ички дүң продукциянын жан башына болгон көлөмү, күтүлгөн жашоо узактыгы, оор кырдаалдарда социалдык жөлөк, өкмөткө ишеним, чечим кабыл алуу эркиндиги жана марттык.

Бул жылы аналитиктер 155 мамлекетти иликтөөгө алды.

Жыйынтык боюнча Кыргызстан былтыркыга салыштырмалуу 13 позицияга артка кетти. Бирок бактылуу 100 өлкөнүн арасында калды. Борбор Азия өлкөлөрүнүн ичинен Өзбекстан алдыда, ал 47-орунда. Бул өлкөдөн кийин Түркмөнстан, Казакстан жана Тажикстан турат.

Ал эми дүйнө жүзүндө эң бактылуу өлкө деп Норвегия табылды. Аны менен катар Дания, Исландия, Швейцария, Финляндия, Канада, Жаңы Зеландия, Австралия жана Швеция турат.

Эң бактысыз өлкө деп Борбордук Африка Республикасы табылды.

Тема боюнча

Искендер Шаршеев: реформалар жүрбөй, экономикабыз өнүкпөй жатат
Белгилер:
дүйнө, рейтинг, бакыт, Кыргызстан

ЭҢ МААНИЛҮҮ