Иш-чара учурунда айдоочу айымдардын көбү коопсуздук курун тагынбай жүргөнү үчүн токтотулган.
ОШ, 6-мар. — Sputnik. Ош ОИИБдин Кайгуул милиция бөлүмү жол кырсыктарын алдын алуу жана болтурбоо, кылмыштуулукка бөгөт коюу максатында жана айымдардын келе жаткан 8-март майрамы менен куттуктап, жол эрежесин бузган айымдарга гүл белекке берүүдө. Бул тууралуу Ош ОИИБдин Кайгуул милициясынын маалымат катчысы, ага тескөөчү Айбек Бечелов билдирди.
Ош ОИИБдин Кайгуул милиция бөлүмү жол кырсыктарын алдын алуу жана болтурбоо, кылмыштуулукка бөгөт коюу максатында жана айымдардын келе жаткан 8-март майрамы менен куттуктап, жол эрежесин бузган айымдарга гүл белекке берүүдө
Ош ОИИБдин Кайгуул милиция бөлүмү жол кырсыктарын алдын алуу жана болтурбоо, кылмыштуулукка бөгөт коюу максатында жана айымдардын келе жаткан 8-март майрамы менен куттуктап, жол эрежесин бузган айымдарга гүл белекке берүүдө
Ал эми айрымдары куттуктоо үчүн токтоткон буйрукка баш ийбей качып кеткен учурлар да катталды.
Анын айтымында, бул иш чара үч күнгө созулат.
"Иш-чара учурунда көпчүлүк аялдар коопсуздук курун тагынбай жүргөнү үчүн токтотулган. Ал эми айрымдары куттуктоо үчүн токтоткон буйрукка баш ийбей качып кеткен учурлар да катталды. Айымдар эркектерге караганда жол эрежесин көп бузушпайт. Бирок алар жол эрежесин толук сактайт деп айтууга да болбойт. Көпчүлүк учурда машина айдап баратып телефондо сүйлөшүп, коопсуздук курун тагынышпайт", — деди Бечелов.
Маалымат катчы жыл башынан бери 8087 административдик протокол түзүлгөнүн айтып, анын ичинде 129 айдоочу мас абалында кармалса, 40 айдоочу унаасынын терезесин караңгылатып алганы үчүн чаралар көрүлгөнүн кошумчалады. Аларга тийиштүү айып пулдар салынган.
