Астаналыктар кыргыздар менен казактардын курутунун айырмасын айтып берди

БИШКЕК, 6-мар. — Sputnik. Facebook тармагындагы "Астана, хочу похвалить/пожаловаться" тобундагы колдонуучулар Кыргызстандан чыккан курутту мактап жатышат.

Курут — көчмөн элдин табылгасы. Ал сүзмөдөн жасалып, сактоо үчүн өзгөчө шарттар талап кылынбайт.

Курут тууралуу пикирин Альбина Жанабай аттуу колдонуучу жазып чыккан.

"Кыргыз куруту абдан жакты. Биздин айылдагы куруттардан айырмасы жок экен. Көк жана сары түстөгү таңгакка салынган. Ммм… даамы бир сонун. Өзүбүздүкүн дагы сатып алдым, деги бир татымы жок", — деп жазган Альбина.

Бул постко бир катар колдонуучулар комментарий жазышкан. Алардын бири Гульбахрам Шаяхметова казак өндүрүшчүлөрүнө суроо узатты.

"Кыргыздар азамат! Бардыгын жасап жатышат! Биз деле жасабайлыбы", — деди Шаяхметова.

Асел Мауланова (Assel Maulanova) Кыргызстандан чыккан дагы башка куруттар бар экенин белгилеген.

"Алар дагы даамдуу болчу. Кыргыздардын балмуздагы да сонун", — деп жазды Мауланова.

Кыргыз куруту казак боордошторду кызыктырып, кайсы дүкөндөрдө сатылары тууралуу суроолор арбыган.