Жарым-жартылай төрөлүп, ара жолдо чарчап калган ымыркай иши иликтене баштады

© Sputnik / Александр Кряжев / Медиабанкка өтүүМедициналык жабдыктар. Архив
Медициналык жабдыктар. Архив - Sputnik Кыргызстан
Жазылуу
Ысык-Көл облусундагы Ананьево айылындагы акушерлер аялды төрөтө албай коюшкан. Мындан улам баланын башы чыккан бойдон келин шаардык клиникага жөнөтүлгөн.

БИШКЕК, 27-фев. — Sputnik. Ананьеводогу ооруканадагы факты боюнча атайын комиссия иштеп жаткандыгын Sputnik Кыргызстан агенттигине Саламаттык сактоо министрлигинен кабарлашты.

© Фото / Эдиль МелисбековАнаньево айылынын тургуну Асел Сантасова
Жительница села Ананьево Иссык-Кульской области Асель Сантасова  - Sputnik Кыргызстан
Ананьево айылынын тургуну Асел Сантасова

16-январда Ысык-Көл облусуна караштуу Ананьево айылындагы ооруканага жергиликтүү тургун Асел Сантасова жолдошу менен келген. Сантасованын айтымында, ал дарыгерлерге ичиндеги түйүлдүгү чоң (5,5 килограмм, бою 60 сантиметр) экендигин айтып, операция жасоо керектигин, мындан улам Чолпон-Ата шаардык ооруканасына жөнөтүүнү суранган. Бирок дарыгерлер төрт баланы төрөгөн адам бешинчисин дагы өзү төрөйт деп келиндин төрөтүн кабыл алууга даярдык көрүшкөн.

Роддом в Маниле - Sputnik Кыргызстан
Бишкектик доктурлар Чоң Алайда өлүм алдындагы кош бойлуу келинди сактап калышты
"Төрөт учурунда баланын башы чыкканы менен дарыгерлер анын денесин чыгара албай коюшту. Ошондо Чолпон-Атага жиберүүнү чечишти. Жолдошум экөөбүз өзүбүздүн унаабыз менен жөнөдүк. Жолдон кашайып унаа дагы бузулуп калды. Ошентип атып бир жарым саат дегенде ооруканага жеттик. Бул убакыт аралыгында балам чарчап калды. Менин оюмча ымыркайымды дарыгерлер өлтүрдү", — деди Сантасова.

Чолпон-Атадагы дарыгерлер операция жасап баланын денесин алып чыгышкан. Ал эми өлкөнүн башкы гинекологу Раиса Асылбашева бул факты боюнча комиссия иштеп жатканын билдирди.

"Учурда иликтөө иштери жүрүп жатат. Эгер анын жыйынтыктары дарыгер күнөөлүү экенин көрсөтсө иш прокуратурага өтөт. Чарчап калган ымыркайдын энесине көңүл айтабыз", — деди Асылбашева.

Өлкөнүн башкы гинекологу Асел Сантасованын абалы туруктуу экенин кошумчалады.

Жаңылыктар түрмөгү
0