Мамлекеттик кызматтар түрмөдөн чыккандарга коомчулукка аралашууга көмөк көрсөтөт

© Sputnik / Табылды КадырбековГосударственная служба исполнения наказания при Правительстве Кыргызской Республики. Учреждение №16
Государственная служба исполнения наказания при Правительстве Кыргызской Республики. Учреждение №16 - Sputnik Кыргызстан
Жазылуу
Эки жыл ичинде өкмөт пробация институтун түзүп, ал эми депутаттар анын ишиндеги юридикалык коллизияны жок кылыш керек.

БИШКЕК, 27-фев. — Sputnik. Президент Алмазбек Атамбаев кесилгендерди коомчулукка аралашууга көмөк көрсөткөн мамкызматты түзүүнү шарттаган "Пробация жөнүндөгү мыйзамга" кол койду.

Мыйзамды Жогорку Кеңештин депутаттары 2017-жылдын 12-январында кабыл алган. Норма пробация институтунун принциптерин, максатын, милдетин, укуктарын аныктайт. Бул абакта отуруп чыккандарды учурдагы коомго жана андагы турмушка ыңгайлаштыра турган социалдык-укуктук мамлекеттик орган.

"Аталган органга жергиликтүү өзүн-өзү башкарган жана мамлекеттик башка органдар жардам кылышы керек. Андын сырткары, иштин майнаптуу болушу үчүн коомчулук менен ыктыярачыларды тартуу каралган", — деп айтылат маалыматта.

Мыйзам 2019-жылдын 1-январынын тарта күчүнө кирет. Маалымат кызматы бул мөөнөт Кыргызстандын мыйзамдарын кабыл алынган документке укуктук жактан ылайыкташтыруу жана пробация органын түзүү зарылдыгын билдирди. Мыйзамда өкмөткө бул жаатта тиешелүү тапшырмалар берилген.

Жаңылыктар түрмөгү
0