Бороондун айынан кыргызстандык жаран Астана — Костанай жолунда калды

© Фото / Валерий ФоминКазакстандагы Астана — Костанай трассасында бузулуп калган кыргызстандык жаран Валерий Фоминдин унаасы
Казакстандагы Астана — Костанай трассасында бузулуп калган кыргызстандык жаран Валерий Фоминдин унаасы - Sputnik Кыргызстан
Жазылуу
КР жараны жекшемби күнү кечинде бороон болуп жаткан учурда унаасы менен кар күрткүсүнө кирип кетип, радиатору бузулуп калган. ӨКМ менен жолдо кетип бараткан айдоочулар жардам бере алышкан эмес.

БИШКЕК, 20-фев. — Sputnik. Кыргызстандык жаран Казакстандагы Астана — Костанай трассасында микроавтобусу менен жолдо калып жардам сурап жатканын Sputnik Кыргызстан агенттигине айдоочу Валерий Фомин өзү билдирди.

Анын айтымында, жекшемби күнү кечинде бороон болуп жаткан учурда унаасы менен кар күрткүгө кирип кетип, радиатору бузулуп калган. Оңдоого аракет жасаганы менен андан майнап чыккан эмес.

"ӨКМдин кызматкерлери келди, бирок унааны азырынча тартып чыгара албай тургандыктарын билдиришти. Ары-бери өтүп жаткан эл дагы токтоду, бирок унааны чыгарыш керек десем мүмкүн эмес экенин айтышты. Ошон үчүн ушул жерде турам. Эми беш күндөй болот окшойм. Бороон кайрадан башталды", — деди Фомин.

Ал ошондой эле Костанай багытындагы Октябрь айылынан 30 чакырым алыстыкта экенин билдирди.

Жаңылыктар түрмөгү
0