Аскаровдун тарапташтары Атамбаевди Брюсселден пикет менен тосуп алышты

© Sputnik / Жоомарт УраимовСнимок с социальной сети Twitter с страницы AmnestyInternational. Активисты правозащитной организации Amnesty International во время пикета в поддержку осужденного на пожизненный срок правозащитника Азимжана Аскарова
Снимок с социальной сети Twitter с страницы AmnestyInternational. Активисты правозащитной организации Amnesty International во время пикета в поддержку осужденного на пожизненный срок правозащитника Азимжана Аскарова - Sputnik Кыргызстан
Жазылуу
Активисттер өмүр бою эркинен ажыратылган Азимжан Аскаровду бошотуп, объективдүү соттук териштирүү жүргүзүүнү талап кылышты.

БИШКЕК, 17-фев. — Sputnik. Amnesty International укук коргоо уюмунун өкүлдөрү Брюсселден Алмазбек Атамбаевди пикет менен тосуп алышты. Алар өмүр бою эркинен ажыратылган укук коргоочу Азимжан Аскаровду боштондукка чыгарууну талап кылышкан. Бул тууралуу аталган уюмдун расмий сайтына жарыяланды. 

Учурда мамлекет башчы Алмазбек Атамбаев Европа өлкөлөрүндө иш сапары менен жүрөт.

Аскаровдун тарапташтары кечээ күнү Европа Кеңешинин имаратынын алдына чогулушкан. Анда Атамбаев Европа биримдигинин төрагасы Дональд Туск менен жолугушмак. 

​Сайттагы маалыматка караганда, президенттин кортежи плакат көтөрүп турган активисттердин жанынан өткөн.

Amnesty International уюмунун өкүлдөрү Аскаровдун камакка алынышында саясий боектор бар экенин билдирип келишет.

Өмүр бою эркинен ажыратылган Азимжан Аскаров сот залында. Архив - Sputnik Кыргызстан
Жогорку сот БУУга: Аскаровдун иши боюнча басым жасабагыла
​Аскаров 2010-жылы улут аралык чыр тутантууга айыпталып өмүр бою эркинен ажыратылган. Ал Бишкек — Ош унаа жолун тосууну уюштургандардын катарында болгону айтылат. Куралсыз 13 милиция кызматкери каршылыкка чыккан элге түшүндүрүү иштерин жүргүзүп жаткан маалда башаламандык жараткандар аларды сабап, милиция кызматкерин өлтүрүп, мыкаачылык менен өрттөп жиберишкен.

Буга чейин айрым эл аралык уюмдар Аскаровду бошотуу талабы менен кайрылып, 2016-жылдын июль айында Германиянын канцлери Ангела Меркелден да Кыргызстанга болгон сапарында Аскаровду бошотууга жардам берүүсүн суранган. Сот Аскаровдун күнөөсү далилденгенин билдирди. Ал улуттар аралык жаңжалды козутуу, баш аламандык жана адам өлтүрүүгө катыштыгы бар деп айыпталган.

Кийин жогорку сооттук инстанция Аскаровдун ишин кайрадан караган. Чүй облустук соту 2017-жылдын январында Азимжан Аскаровду өмүр бою эркинен ажыратуу боюнча чечимди күчүндө калтырган.

Жаңылыктар түрмөгү
0