Азиз Мурадиллаев Стамбулда анализдерин тапшыра баштады, бирок каражаты тартыш

© Sputnik / Жоомарт УраимовИнтервью с киноактером Азизом Мурадиллаевым
Интервью с киноактером Азизом Мурадиллаевым - Sputnik Кыргызстан
Жазылуу
Актер кечээ Стамбул шаарына барып, "Memorial" клиникасында анализдерин тапшыра баштады.

БИШКЕК, 18-янв. — Sputnik. Актер Азиз Мурадиллаев кечээ боорун алмаштыруу үчүн операцияга Стамбул шаарына учуп кеткенин теле алып баруучу Ассоль Молдокматова Sputnik Кыргызстан агенттигине билдирди. 

Анын айтымында, Мурадиллаев кечээ "Memorial" клиникасына барып, жетиден ашык анализ тапшырды, бүгүн дагы бир катар анализдери бар. 

"Анализ тапшыруу убагында Азиз жана аны коштоп барган жакындары өз каражатына мейманканада жатышы керек. Биз бул жактан операциянын өзүнө кетчү 30 миң долларды гана чогулта алдык. Дагы жакшы, мейманкана жана котормочу жагынан Түркиядагы элчибиз Ибрагим Жусунов жардам берди. Бирок клиникага барып-келүү, тамак-аш жагынан Түркияда жашаган мекендештерден жардам сурайт элем", — деди Молдокматова.

Ошондой эле донор болчу Роза аттуу айым менен Мурадиллаевдин туугандыгын далилдөө процессинин узактыгы маселе жаратып жатканы айтылды. Молдокматова бул жагынан жардам сурап саламаттык сактоо министри Талант Батыралиевге кайрылганын айтты. 

Фуркан Улусой - Sputnik Кыргызстан
Фуркан Улусой: Азиздин операциясын арзандатууну сүйлөшүүгө үч айдай убакыт кетти
"Донор менен Азиздин тууган экенин далилдөө процесси эки жумага созулуп кетиши мүмкүн экен. Чет өлкөдө каражаты тартыш адамдын эки жума жашоосу абдан оор экени белгилүү. Ошол себептен саламаттык сактоо министри түркиялык кесиптешине кат жолдоп, процессти тездетип берүүсүн өтүнүшүн сурангам. Учурда министр аракет кылууда", — деди Молдокматова. 

Эске салсак, былтыр Азиз Мурадиллаевге боордун 4-даражадагы циррозу (кара сарык — ред.) диагнозу коюлган. Ага октябрь айында Москва шаарында алгачкы операция жасалган

Ал эми Стамбул шаарынын "Memorial" клиникасында боорун алмаштыруу боюнча жасалган операциянын баасын 95 миң доллардан 30 миң долларга арзандатып берүүгө аталган клиниканын Борбор Азия боюнча адиси Фуркан Улусой салым кошкон.

Жаңылыктар түрмөгү
0