Авиакырсык: эки сааттын ичинде атайын эсептеги акча 4,5 млн. сомго жетти

Жазылуу
Буга чейин министрлик эсепте 2 миллион сомдон ашуун каражат чогулганын билдирген.

БИШКЕК, 18-янв. — Sputnik. ӨКМдин атайын эсебине 4,5 миллион сом чогулганын аталган министрлик билдирди.

Саат 13.00гө алынган маалымат боюнча эсепте 2,4 миллион сом бар экени айтылган.

"Саат 16.00гө карата 4 миллион 657 миң сом болду", — деп айтылат билдирүүдө.

Бизнес коомчулук, жеке тараптар, министрликтер менен ведомстволор жана башка каалоочулардын бардыгы төмөнкү реквизиттер аркылуу каражат которо алышат:

Банк вывескасы. Архив - Sputnik Кыргызстан
Окурман: банктар авиакырсыкка кабылгандарга берилген жардамдан акча жасап жатат
Эсеп номери 4407012100007868 КР Финансы министрлигинин борбордук казыналык банкы БИК 440001 Эсеп коду 14238900. Акча ар кыл валютада — сом, рубль, теңге, доллар, евро, юань түрүндө кабыл алынат. 

Мындан тышкары, ӨКМ атайын эсепке министрликтин финансыны башкаруу жана бухгалтердик эсеп башкармалыгынын жетекчиси Алмаз Эргешов жоопкер экенин белгиледи. Аны менен 0770 022 022, (0312) 54 79 01 телефондору аркылуу байланышууга болот. 

2017-жылдын 16-январында Гонконгдон Стамбулду көздөй келе жатып, Бишкектен май куюу үчүн "Манас" аэропортуна токтомок болгон Boeing-747 учагы Дача айылынын үстүнө саат таңкы 7:18де кулаган. Кырсыктан 38 киши көз жумуп, 16 киши жабыркаган. 17-январь Кыргызстанда аза күнү деп жарыяланган. 

Аталган кырсыкты Мамлекеттер аралык авиация комитетинин адистери иликтеп жатат.

Кыйраган учактан Кыргызстан кандай сабак алышы керектиги тууралуу Sputnik Кыргызстан агенттигинин материалынан окуңуздар>>

Жаңылыктар түрмөгү
0