Окурман: банктар авиакырсыкка кабылгандарга берилген жардамдан акча жасап жатат

© Sputnik / Максим Блинов / Медиабанкка өтүүБанк вывескасы. Архив
Банк вывескасы. Архив - Sputnik Кыргызстан
Жазылуу
Буга чейин "Манас" аэропортуна жакын жерде болгон авиакырсыктан жабыркагандарга жардам берүү үчүн атайын эсеп ачылган.

БИШКЕК, 18-янв. — Sputnik. Авиакырсыктан жабыркаган жарандар үчүн ӨКМ ачкан эсепке акча которууда банктар комиссия алып жаткандыгын Sputnik Кыргызстан агенттигинин кабарчысына окурман билдирип, WhatsApp-каналы аркылуу квитанциянын сүрөтүн жиберди. 

© Фото / очевидца, отправленное по Whats App-каналуӨКМдин атайын эсебине авиакырсыктан жабыркагандар үчүн акча которулгандыгын тастыктаган квитанция
Квитанция банка, свидетельствующая о перечислении на спецсчет МЧС КР средств пострадавшим в авиакатастрофе - Sputnik Кыргызстан
ӨКМдин атайын эсебине авиакырсыктан жабыркагандар үчүн акча которулгандыгын тастыктаган квитанция

Шейшемби күнү Кыргызстандын ӨКМи "Манас" аэропортуна жакын жерде болгон авиакырсыктан жабыркагандарга жардам берүү үчүн атайын эсеп ачкан. 

"Мен жабыркагандар үчүн 15 миң сом котордум. Мындай кырдаалда банктар комиссия алып жатканы мени абдан ызалантты. 50 сом үчүн ичим деле оорубайт. Бирок бизде эмне мындай каргашалуу окуялар күнүгө болуп жатабы? Банктар жок дегенде ушундай маалда акча табуудан баш тарта алышпайбы?" — деп жазды окурман.

Boeing 747 учагы кулаган жердеги издөө иштери - Sputnik Кыргызстан
Кыйраган учактын экинчи кара ящиги табылды, алар Москвадан чечмеленет
Ал эми квитанцияда аталышы көрсөтүлгөн банктын маалымат кызматы бул маселе жакынкы аралыкта караларын билдирди. 

Шаршемби күнү ӨКМ саат 16.00гө карата атайын эсепке 4 миллион 657 сом түшкөнүн жарыялаган. 

Дүйшөмбү күнү таң эрте саат 7.30дар чамасында Дача айылынын үстүнө Boeing-747 учагы кулап түшкөн. Самолет Гонконгдон Стамбулду көздөй баратып Бишкекке май куюу үчүн конуу аракетин жасаган. Кырсыктан 38 адам каза таап, 16 жаран ар кандай жаракат алган. 

Эгер кандайдыр бир окуяларга күбө болуп калсаңыз Sputnik Кыргызстан агенттигинин +996 706 566 544 WhatsApp номери аркылуу билдириңиз.

Жаңылыктар түрмөгү
0