Жарандык авиация: Boeing-747 учагынын конушуна туман жолтоо болгон эмес

© Sputnik / Табылды Кадырбеков / Медиабанкка өтүүСотрудники МЧС на месте крушения самолета недалеко от аэропорта "Манас"
Сотрудники МЧС на месте крушения самолета недалеко от аэропорта Манас - Sputnik Кыргызстан
Жазылуу
Кыргызстандын жарандык авиация агенттигинин директор орун басарынын айтымында, Boeing-747 учагы конуп жатканда туман эч кандай жолтоо болгон эмес.

БИШКЕК, 16-янв. — Sputnik. "Манас" аэропортунан алыс эмес жерге кулап түшкөн учактын конуусуна туман эч кандай тоскоолдук жаратпаганын Жарандык авиация агенттигинин директор орун басары Бакыт Жунушалиев Sputnik Кыргызстан агенттигине билдирди.

Дача-Суу айылы: учак кулаган жерден тартылган алгачкы видео - Sputnik Кыргызстан
Дача-Суу айылы: учак кулаган жерден тартылган алгачкы видео
Эске салсак, бүгүн эртең менен Дача-Суу айылына жүк ташуучу учак кулап түшүп, андан отуздан ашык киши каза болуп, жыйырмадан ашык үй жабыркаган. Аталган учак Гонконгдон учуп чыгып, Бишкекке май куюу үчүн конууга аракет кылган. Окуя болгон жерге өкмөт башчы Сооронбай Жээнбеков баштаган аткаминерлер келди.  

Жунушалиевдин айтымында, учурда куткаруу иштери жүрүп жаткандыктан кырсыктын келип чыгышын толугу менен иликтегенге мүмкүнчүлүк болбой жатат.

Учакта беш киши болушу керек болчу. Ошентсе да азыр канча учкуч болгону тактала элек.

"Учак туман каптаган аба ырайынын шартында конууга аракет кылган. Ал чыгыштан батышты көздөй учуп келип конууга аракет кылган. Конуу тилкесинен жарым чакырым учуп өтүп, жерге урунган", — деди Жунушалиев.

Кырсык жергиликтүү убакыт боюнча саат 7.18де болгон.

Учактын кыйрашына байланыштуу бардык маалыматтардын топтомун бул жактан окуңуздар>>

Жаңылыктар түрмөгү
0