09:42 23 Аяк оона 2017
Түз эфир
Мекка. Архивдик сүрөт

Быйылкы ажылык сапарды уюштуруу боюнча алгачкы кадамдар башталды

© Sputnik / Михаил Воскресенский
Коом
Кыскача шилтеме алуу
193 0 0

Кыргызстандык ажыларды тейлөө жана кызмат көрсөтүү жаатында пикир алышуу болуп, келишимдерге кол коюлат.

БИШКЕК, 13-дек. — Sputnik. 2017-жылдагы ажылыкты уюштуруу боюнча Сауд Аравиянын ажылык министрлигинин өкүлдөрү менен талкуулоо үчүн Кыргызстандын муфтийи Максатбек ажы Токтомушев баштаган делегация бүгүн жөнөп кетет. 

Иш-сапар Сауд Аравия падышачылыгынын ажылык министрлигинин чакыруусу менен болуп жатат. 

"Сапардын алкагында 2017-жылдагы ажылыкты уюштуруу боюнча аталган өлкөнүн ажылык министрлигинин алдындагы тиешелүү ведомство жетекчилери менен жолугат. Кыргызстандык ажыларды тейлөө жана кызмат көрсөтүү жаатында пикир алышып, келишимдерге кол коюп келишмекчи", — деп айтылат маалыматта.

Делегациянын курамында Кыргызстан мусулмандар Дин башкармалыгынын башкы эсепчиси, ажылык бөлүмүнүн кызматкерлери жана Кыргызстандын Жарандык авиация агенттигинин өкүлү бар.

Тема боюнча

Ажылык сапар учурунда эки зыяратчы көз жумду
Белгилер:
муфтият, ажылык сапар, Сауд Аравиясы

ЭҢ МААНИЛҮҮ