11:30 18 Тогуздун айы 2017
Түз эфир
Эт экспертизасы. Архивдик сүрөт

"Фрунзе" дүкөнүнөн бузулду деген эт текшерилип жыйынтыгы чыкты

© Sputnik / Игорь Зарембо
Коом
Кыскача шилтеме алуу
156420

Буга чейин Бишкек шаарынын тургуну "Фрунзе" дүкөнүнөн сатып алынды деген этти экспертизага бергенин билдирген.

БИШКЕК, 11-янв. — Sputnik. Ветеринардык диагностика жана экспертиза боюнча республикалык борбору "Фрунзе" дүкөнүнөн сатып алынды делген этти экспертизадан өткөрүп, этти тамак-ашка колдонсо болот деген жыйынтык чыгарганын шаар тургуну Алина Осмонова Sputnik Кыргызстан агенттигине билдирди.

4-январда Осмонова "Фрунзе" дүкөнүнөн сатып алынган эттин сүрөтүн Facebook баракчасына жарыялаган. Ал эттин арасындагы сары бүртүкчөлөр эмнеден кабар берерине кызыккан. Айрымдары анын курт экенин айтышкан. 

Экспертиза эттин курамында антибиотиктердин бар-жогун жана анын ден соолукка зыяндуулугун аныктоо боюнча жүргөн.

"Тааныш касапчылар эттин тышкы көрүнүшүн карап туруп, эттин бузулуп кетиши мүмкүндүгүн айтышты. Ал эми мамлекеттик экспертизанын жыйынтыгы бүртүкчөлөр мурда жасалып, бирок этке сиңбей калган уколдун тактары экенин айтышты. Ал эмне болгон укол экенин мага түшүндүрүп беришкен жок", — деди Осмонова.

Ал ошондой эле борбордун эксперттери "эттеги тактарды кесип салып, аны тамак-ашка колдонсо болорун айтышканын" кошумчалады. Бирок алардын мындай пикирине Осмонова макул эмес.

"Бул эки анжы ойду жаратып жатат. Мен эки экспертизанын жыйынтыгын интернетке коём. Колдонуучулар аны карап туруп өз алдынча бүтүм чыгарып алышсын", — деп кошумчалады шаар тургуну.

Ал эми "Фрунзе" дүкөнүнүн жетекчилиги товарлар текчелерге түшкөнгө чейин күнүгө эртең менен экспертизадан өтөрүн билдирген.

Тема боюнча

"Фрунзе" дүкөнүндөгү бузулду деген этти эксперттер текшерет
Белгилер:
азык-түлүк, экспертиза, эт

ЭҢ МААНИЛҮҮ