15:36 29 Бугу 2017
Түз эфир
Кыргызстан чүрөгү — 2013 наамынын ээси Жибек Нукееванын архивдик сүрөтү

Медина Нукеева: Жибектин операциясына каражат жетер-жетпеси бүгүн билинет

© Фото / Жибек Нукеева
Коом
Кыскача шилтеме алуу
Жибек Нукееваны өмүрүн сактап калуу аракети (6)
125840

Жибек Нукееванын операциясына белгилүү банктардын бири 5 миллион сом каражат бөлгөнү белгилүү болду. Буга чейин туугандары 17 миң доллар чогултууга жетишкен.

БИШКЕК, 6-янв. — Sputnik. "Кыргызстан чүрөгү — 2013" наамынын ээси Жибек Нукееванын операциясына белгилүү банктардын бири 5 миллион сом бөлгөнү тууралуу кабар социалдык тармактарда тарап, маалыматтын чын экенин Жибектин эжеси Медина Нукеева Sputnik Кыргызстан агенттигине тастыктады. 

Анын айтымында, мындай кабар алардын өздөрү үчүн да күтүүсүз болгон. 

"Укканда өзүбүз да шок болдук. Тиешелүү жерлерге чалып тактасак, каражат бөлүнөрү чын деп айтышты. Жибектин операциясына 5 миллион сом бөлгөн банктын директору өзү жакында келет экен. Бүгүн эсептер ачылган банкка барып, бардык чогулган акчаны эсептеп көрөйүн деп жатам. Буга чейин өзүбүз 17 миң доллар чогултканбыз. Каражат жетер-жетпеси бүгүн билинет", — деди Нукеева.

Эскерте кетсек, жыл жаңырар алдында "Кыргызстан чүрөгү-2013" конкурсунун жеңүүчүсү жана "Аалам сулуусу — 2013" эл аралык конкурсунун катышуучусу Жибек Нукеева рак илдетине кабылганын билдирип, социалдык тармактар аркылуу калкка жардам сурап кайрылган. 

Нукеевага Кыргызстандагы шоу-бизнес менен моделдик агенттиктин өкүлдөрү дагы жардам берүү үчүн кайрымдуулук концертин берүүнү пландап жатышат.

Медина Нукееванын айтымына караганда, Жибекке зарыл операция Чехиянын Прага шаарындагы Протондук терапия борборунда жасалып, баасы 80 миң евро турат.

Тема:
Жибек Нукееваны өмүрүн сактап калуу аракети (6)

Тема боюнча

Ырчы Аяна Касымова Москвадагы 1,5 жашар Айдарга 74 миң рубль берди
Ракка кабылган Нукеевага ырчылар менен моделдер кол сунду
Белгилер:
каражат, оору, рак, Жибек Нукеева

ЭҢ МААНИЛҮҮ