Сокулукта суу жээгинде табылган Айгерим Нурпери болуп чыкты

© Фото / пресс-служба ГУВД Чуйской областиСокулук районунда суу жээгинен табылган Нурпели аттуу кыз
Сокулук районунда суу жээгинен табылган Нурпели аттуу кыз - Sputnik Кыргызстан
Жазылуу
Нурпери Россияда иштеп жүрүп, апасы менен уруша кеткенден кийин Сокулуктагы таежесиникине качып келген.

БИШКЕК, 5-янв. — Sputnik. Сокулук районунда суу жээгинен табылып, эч кимди эстей албай жаткан Айгерим аттуу кыз эсин жоготкондой түр көрсөтүп койгон. Бул тууралуу Sputnik Кыргызстан маалымат агенттигине Чүй ОИИБ маалымат кызматынын ага тескөөчүсү Нурбек Токтосунов билдирди.

2016-жылдын 19-декабрында Сокулук районунда 22 жаштагы кыз жоголуп, аны милиция кызматкерлери 22-декабрь күнү табышкан.

"Кызды суунун жээгинен тапканбыз. Бир жак бутун үшүк алып кетиптир, дароо ооруканага жеткирилген. Ал жактан кыз эсин жоготуп койгонун, атынан башка эч кимди эстей албай жатканын айткан. Өзүн бизге Айгерим деп тааныштырган", — деди Токтосунов.

Ооруканада жаткан Айгерим таежеси бар экенин айтып, дарегин берген. 

Дежурная часть в отделении милиции. - Sputnik Кыргызстан
ШИИБ: үйүнөн качып кеткен эки кыз изделип жатат
"Көрсө кыз калп эле эч кимди эстей албай жаткандай түр көрсөтүп коюптур. Сокулук районунун милиция кызматкерлери аты-жөнүн тактагандан кийин анын 1994-жылы туулган Нурпери экени белгилүү болду. Апасы экөө Россияга иштегени барып ал жактан апасы менен урушуп Сокулуктагы таежесиникине келиптир. Ал жактан да тез-тезден качып кете берерин айтышты. Мындан улам учурда туугандары менен кеңешип эмне кылуу керектигин сүйлөшүп жатышат", — деди Токтосунов.

Ал Нурпери учурда ооруканада дарыланып жатканын айтып, ата-энеси менен байланыша албай жатышканын кошумчалады.

Жаңылыктар түрмөгү
0