БИШКЕК, 23-дек. — Sputnik. Жайында Москвада өрттөнгөн басмаканадан элди куткарып калгандар КР өкмөтүнүн ардак грамотасы менен сыйланышты. Бул тууралуу КРдин Россиядагы элчилигинен кабарлашты.
Эскерте кетсек, 27-август күнү Москва шаарындагы "Печатный экспресс" деп аталган басмаканада өрт чыгып, кырсыктан 14 кыргызстандык кыз-келин каза болгон. Анын кесепетинен 11 бала жетим калган.
"Иш-чаранын алдында аза күтүү мүнөтү болду. Андан кийин элчи Болот Отунбаев оор кырдаал учурунда эрдик көрсөткөн азаматтарга терең ыраазычылык билдирди", — деп айтылат маалыматта.
Өкмөттүн ардак грамотасы менен төмөнкү адамдар сыйланды:
- Абдыгапар уулу Азизбек;
- Алимбек уулу Маматсабыр;
- Азамат Ахматов;
- Александр Борисов;
- Махамат Заиров;
- Юрий Лугвин;
- Марип уулу Таалайбек;
- Урматбек уулу Жоомарт;
- Александр Хван;
- Аширбек Шакиров.
