Шаардыктар акция алкагында кайсы троллейбустарда акысыз жүрө алат

© Sputnik / Табылды КадырбековКоомдук траспорттогу жүргүнчүлөр. Архив
Коомдук траспорттогу жүргүнчүлөр. Архив - Sputnik Кыргызстан
Жазылуу
Такталган маалыматтарга ылайык, муниципалдык транспортто акысыз жүрүү акциясын өткөрүү үчүн жарандар жети миң сомдон ашык каражат топтогон. Иш-чаранын демилгечиси шаар тургундарын "үнөмдүү, ыңгайлуу жана экологиялык жактан таза" троллейбустарга отурууга чакырат.

БИШКЕК, 19-дек. — Sputnik. Кийинки жумада шаар тургундары төрт күн бою Бишкектин төрт троллейбусунда акысыз жүрө алышат. Бул тууралуу "Троллейбуста акысыз жүрүү күнү" акциясынын уюштуруучусу Ринат Шамсутдинов билдирди.

Церемония вручения ключей от 30 новых автобусов в Оше - Sputnik Кыргызстан
Ош: жаңы автобустун айдоочулары улуттук кийим кийүүгө милдеттүү болду
Активист акция тууралуу ноябрдын башында жар салып, аны өткөрүүгө каражат чогулта баштаган. Каалоочулар тарабынан бүгүнкү күнү 7370 сом чогулган.

Дүйшөмбү күнү акциянын уюштуруучусу Бишкек троллейбус башкармалыгынын жетекчилиги менен жолугуп төрт троллейбустун ижарасын төлөдү. Буга чейин үч троллейбуска пландалган эле. Ижаранын баасы айдоочулар иштеп тапкан норманын негизинде такталган. Мисалы №11 маршруту үчүн саатына 260 сом коюлган.

Бишкек троллейбус башкармалыгы бул маалыматты тастыктады. Иш-чара кийинки аптада өтөт. 

Каттамдын тизмеси:

26-декабрда жүргүнчүлөр №5 троллейбуста акысыз жүрө алышат. Анын убактысы саат 13.30дан 21.38ге чейин созулат. 28-декабрда №11 троллейбус, ал саат 13.49дан 21.27ге чейин жүрөт. 29-декабрда №7 троллейбус саат 14.18ден 21.37ге чейин иштейт. Ошондой эле 30-декабрда №10 троллейбус саат 13.40тан 21.27ге чейин жүргүнчүлөрдү бекер ташыйт. 

Транспортто акысыз ташуу акциясы боюнча маалымат жазылат.

Жаңылыктар түрмөгү
0