БИШКЕК, 19-дек. — Sputnik. Өтүп бара жаткан жылдын январь айынан октябрга чейинки аралыгында турак үйлөрдүн колдонууга арбын берилиши Ош облусунда байкалганын Улуттук статистикалык комитет билдирди.
Бишкек, Ош жана Баткен шаарларын кошпогондо Кыргызстандын көпчүлүк бөлүктөрүндө турак үйлөрдү колдонууга берүү былтыркы жылдын 10 айына салыштырмалуу кыйла жогору болгон.
Ош облусунда — 146 миң чарчы метр, Бишкек шаарында — 122, 4 миң, Чүй облусунда — 112, 1 миң жана Жалал-Абадда 103,3 миң чарчы метр колдонууга берилген.
Баткен менен Ысык-Көл облустарында курулуш иштери 41 миң чарчы метрди түзүп бирдей көрсөткүчтү көрсөткөн. Талас облусунда — 39 миң чарчы метр. Эң аз курулуш иштери Нарын облусу (25,5 миң чарчы метр) менен Ош шаарында (23,2 миң чарчы метр) катталган.