Бишкекке дагы 50 троллейбус сатып алынмакчы

© Фото / Владимир Федоренко / Медиабанкка өтүүТроллейбустар. Архив
Троллейбустар. Архив - Sputnik Кыргызстан
Жазылуу
Жогорку Кеңеште ордо калаанын инфратүзүмүн жакшыртууга багытталган Кыргызстан менен Европа реконструкциялоо жана өнүктүрүү банкынын ортосундагы насыялык макулдашуу боюнча ратификациялык мыйзам долбоору каралып, экинчи окууда добуш берүүгө жөнөтүлдү.

БИШКЕК, 16-дек. — Sputnik. Бишкек шаарынын коомдук транспортун жакшыртуу үчүн 50 троллейбус сатып алынмакчы. Бул тууралуу КРдин Жогорку Кеңешинин сайтында айтылды.

Церемония вручения ключей от 30 новых автобусов в Оше - Sputnik Кыргызстан
Ош: жаңы автобустун айдоочулары улуттук кийим кийүүгө милдеттүү болду
Жогорку Кеңештин маалымат кызматы белгилегендей, Европа реконструкциялоо жана өнүктүрүү банкы буга чейин Бишкек шаарынын коомдук транспортун өнүктүрүү долбоорунун алкагында 15,6 миллион евро өлчөмүндө каражат бөлгөн. Анын ичинен насыя 10,1 миллион еврону, гранттык каражат 5,5 миллион еврону түзгөн. 

Эми кийинки жылы кошумча 8,424 миллион евро көлөмүндөгү каржы бөлүү жөнүндө макулдашуу болду.

"Долбоордун алкагында 79 жаңы троллейбус, беш бирдик көмөкчү техника, байланыш өткөргүчү, күч кабели, тартуучу көмөк-чордондор үчүн жабдуулар жана башка материалдар сатып алынды. Бирок унаа дагы эле жетишсиз. Ошондон улам долбоорду улантуу жана кошумча 8,424 миллион евро көлөмүндө каржылоо жөнүндө макулдашууга жетишилди. Анын ичинде 1,2 миллион еврого 50 троллейбус сатып алынмакчы", — деп айтылат маалыматта.

Насыя 10 жылдык мөөнөткө берилет, анын алгачкы эки жылы жеӊилдетилген мөөнөт болуп саналат. Долбоор 2017-жылдын 31-декабрында аяктайт.

Бишкектин вице-мэри Геннадий Милицкийдин айтымында, Бишкек шаары үчүн жок дегенде 300 автобус сатып алынышы керек, азыр автоунааларды лизингге алуу чаралары көрүлүүдө. 

"Көчөдө автоунаа көп. Азыркы учурда ордо калаада 180 троллейбус, 3 миӊден ашуун мироавтобус жүргүнчү ташыйт. Бир троллейбус төрт микроавтобусту алмаштырат", — деди Милицкий. 

Ошондой эле ал борбордун көчөлөрүндөгү автоунаалардын санын азайтуу үчүн кеминде 600 троллейбус керектигин кошумчалаган.

Жаңылыктар түрмөгү
0