22:22 24 Тогуздун айы 2021
Түз эфир
  • USD84.7875
  • EUR98.7011
  • RUB1.1965
Коом
Кыскача шилтеме алуу
173140

Оорулуу балдар интернатына 815 миң сомдук унааны алып берген адам коомчулукка белгисиз бойдон калгысы келди.

БИШКЕК, 7-дек. — Sputnik. Беловодск айлындагы балдар психоневрологиялык социалдык-стационардык мекемеси 18 орундуу микроавтобуска ээ болду. Бул боюнча Эмгек жана социалдык өнүгүү министрлигинин маалымат кызматынан кабарлашты. 

"Бизге бул автобус абдан зарыл болчу. Анткени балдарыбызды медициналык текшерүүлөргө бат-баттан алып барып турабыз. Мурдагы унаабыз алты гана орундуу болчу. Эми Бишкектеги маданий иш-чараларга дагы көп баланы бир алып бара алат экенбиз", — деди мекеменин директору Светлана Такырбашева.

Анын айтымында, 815 миң сомдук унааны демөөрчүлүк кылып алып берген адам коомчулукка белгисиз бойдон калгысы келди. 

Салтанаттуу иш чарага Эмгек жана социалдык өнүгүү министринин орун басары Лунара Мамытова катышып, балдарга белектерди берди. 

"Тилекке каршы, ар кандай катаал оорулар менен жабыркаган балдарын ата-энелер интернат үйлөргө таштап кетип жатышат. Мындай балдарды тарбиялоодо биринчи жоопкерчилик ата-энеде", — деди Мамытова. 

Учурда аталган мекемеде жашы төрттөн 18ге чейинки 230 бала жашайт. Көпчүлүгү шал оорусу же Даун синдрому менен жабыркайт.

Тема боюнча

Ак-Талаа: айылдаш жигит үйү жок төрт балалуу энеге там салып берди
Белгилер:
Беловодск, балдар үйү, кайрымдуулук

ЭҢ МААНИЛҮҮ