БИШКЕК, 24-ноя. — Sputnik. Бишкек шаарындагы кудуктардын капкагын уурдап жатат деп шектелген жаранды Свердлов райондук администрациясы райондун жакшыртууга кошкон салымы үчүн сыйлады. Бул тууралуу мэриянын маалымат кызматы билдирди.
Бир нече күндөн кийин Свердлов РИИБдин кызматкерлери автоунаанын ээси ким экенин аныкташкан. Ал 33 жаштагы Бишкек шаарынын тургуну болуп чыккан. Ал кудуктун капкагын оңдоп туруп кайра коюу үчүн алганы аныкталган. Себеби капкак сынып, кудуктун оозуна чак келбей калгандыктан анын үстүнөн өткөн бир нече машинанын дөңгөлөгү жарылган.
Муну көргөн жаран капкакты чыгарып, аны оңдотуп кайра алып келип салган. Ал ошондой эле көчөдөгү аң-чөнөктөрдү оңдоп, күйбөй калган жол чырактарын да алмаштырып жүргөнүн мэриядан кошумчалашты.
