Екатеринбургдагы ажатканада төрөгөн кыргыз кыз диаспоранын өкүлчүлүгүндө жашап жатат

© Sputnik / Леся Полякова / Медиабанкка өтүүВ Воронеже родился миллионный житель
В Воронеже родился миллионный житель - Sputnik Кыргызстан
Жазылуу
Консулдуктун кызматкери учурда эне-бала зарыл болгон буюм-тайымдар менен камсыз болгонун, тартип коргоо органдары ишти иликтеп жаткандыгын айтты.

БИШКЕК, 8-ноя. — Sputnik. Екатеринбург шаарынын соода жайынын дааратканасында көз жарган кыргыз эне төрөтканадан чыгып, учурда ымыркайы менен биргеликте аталган шаардагы кыргыз диаспорасынын өкүлчүлүгүндө жашап жатат. Бул туурасында Sputnik Кыргызстан маалымат агенттигине Екатеринбургдагы КРдин консулу Нургүл Токтосунова билдирди.

Тез жардам автоунаалары. Архив - Sputnik Кыргызстан
Бишкекте ажаткана үчүн казылган аңга ымыркай түшүп кетип каза болду
Октябрдын соңунда кыргызстандык кыз Екатеринбург шаарынын соода жайынын ажатканасында төрөгөн жана анын баланы унитазга агызып жиберүүгө аракет кылганы туурасында маалыматтар тараган. Бирок төрөтканадан андай маалыматтар такталбаганын билдиришкен. 

Консул Токтосунова учурда эне-бала зарыл болгон буюм-тайымдар менен камсыз болгонун, тартип коргоо органдары ишти иликтеп жаткандыгын айтты.

"Азыр бул жаатта иш жүрүп жатат. Ал кыз төрөт үйүнөн чыккан. Екатеринбургдагы диаспора бөбөккө зарыл болгон буюм-тайымдарды сатып берди. Учурда эне-бала биздин диаспоранын өкүлчүлүгүндө жашап жатат. Ага карата тартип коргоо органдары тарабынан материалдар топтолуп, иликтенип кылмыш иши козголуш керекпи же жокпу деген маселе каралууда. Бардык маалыматтар чогултулгандан кийин чечим кабыл алынат", — деп маалымдады Токтосунова. 

Анткен менен алгач кыз ымыркайды таштап кетүүгө ниеттенгенин төрөткананын бөлүм жетекчисине кабарлап, бирок консулдуктун кызматкерлери аны баладан баш тартпоого көндүрүп жаткандыгы айтылган. Ал эми консулдук бала менен эненин тиешелүү документтери толтурулган соң алар Кыргызстанга жибериле тургандыгын маалымдаган.

Жаңылыктар түрмөгү
0