"Манас" аэропорту каттамдардын кармалышына түшүндүрмө берди

© Фото / Елизавета Кузнецова"Манас" аэропортунда өз каттамын күткөн кишилер
Манас аэропортунда өз каттамын күткөн кишилер - Sputnik Кыргызстан
Жазылуу
Аэропортто учак күткөн көптөгөн кишилердин сүрөтү социалдык тармактарда жарыяланды.

БИШКЕК, 5-ноя. — Sputnik. "Манас" аэропорту түнкү саат үчтөн таңкы сегизге чейин каттамдарды кабыл албагандыгын аэропорттун маалымат кызматы билдирди.

Социалдык тармактын колдонуучулары аэропортто өз каттамын күткөн кишилердин сүрөтүн жарыялашкан.

Катаал аба ырайынан улам Бишкекке коно турчу учактар Ош менен Алматынын аэропортторуна конууга мажбур болушту.

"Эртең менен туман тарагандан кийин учактар аэропортко коно баштады. Россия жана Түркиядан келген учактар конду. Ал эми Дубайдан учуп келген учак Алматыга конуп, ал жактан майын толуктап куюп, кайта Дубайга учуп кеткен. Анын себеби азырынча белгисиз", — деп аэропорттон маалымдашты.

Саат 9дан тарта учактар учуп кете баштаган. Расписание боюнча алар саат бештен сегизге чейин учуп кетиши керек болгонун маалымат кызматы баса белгиледи. 

"Ошондуктан кезек күткөндөр көбөйүп кетти. Москва менен Стамбулга уччу учактар азыр даярдыктарды көрүүдө", — деп аэропорттон кошумчалашты.

Учурда аэропорт мурдагы калыбында иштеп жатат. Учактар расписание боюнча кабыл алынууда.

Жаңылыктар түрмөгү
0