Ош шаарында эки көчөнү бириктирген 40 млн. сомдук көпүрө курулат

© Фото / Зульфия ТургуноваКөпүрөдөн өтуп бараткан адамдар.
Көпүрөдөн өтуп бараткан адамдар. - Sputnik Кыргызстан
Жазылуу
Көпүрөдөн тышкары 350 метрлик жол менен 2,5 чакырым аралыктагы веложол салынганы жатат.

БИШКЕК, 2-ноя. — Sputnik. Ош шаарында эки көчөнү бириктирүү үчүн 40 миллион сомдук жаңы көпүрө куруу пландаштырылууда. Бул тууралуу калаа мэри Айтмамат Кадырбаев билдиргенин Sputnik Кыргызстан агенттигинин аймактык кабарчысы маалымдады. 

Шаардагы Сай-Бою жана Тилеке баатыр көчөлөрүн бириктирүүчү көпүрөнү куруу үчүн 40 миллион сомдук тендер жарыяланган. 

"Көпүрөнүн узундугу 48 метр, туурасы 14 метр болот. Анын эки тарабына тротуарлар курулат. Мындан тышкары, Сай-Бою көчөсү аркылуу 2,5 чакырым аралыкка веложол салынат", — деп билдирген Кадырбаев. 

Учурда көчөлөрдү бириктирген көпүрө бар, бирок анын эскилиги жеткендиктен жаңысын куруу муктаждыгы келип чыккан. 

Мындан тышкары, Сай-Бою көчөсүнөн Ленин көчөсүнө чыгуучу 350 метрлик жол курулат. Ага 87 миллион сомдук смета түзүлүп, тендер жарыяланган. 

"Жол куруу тендерине тогуз ишкана катышкан. Натыйжада 45 миллион 800 миң сом сунуштаган компания тендерди жеңип алды. Учурда жолдун курулуш иштери жүрүп жатат", — деп шаар мэри белгилеген. 

Ал ошондой эле каражаттын бир бөлүгүн шаардын түштүк-чыгыш аймагына салынган көпүрөдөн үнөмдөлгөн каражат түзөрүн кошумчалаган.

Жаңылыктар түрмөгү
0