БИШКЕК, 27-окт. — Sputnik. Ашуулардагы карлар убагында тазаланбай, унаа тыгындары жаралууда. Бул тууралуу "Өнүгүү — Прогресс" фракциясынын депутаты Камчыбек Жолдошбаев парламентте ар кандай маселелер каралып жатканда билдирди.
Анын айтымында, ашууларда 200дөн ашуун унаа тыгылып, кыйынчылык жаралууда.
"Кыш келип кыйынчылык жаралууда. Төө-Ашуу, Ала-Бел жана Долон сыяктуу ашууларда 200гө чукул унаалар туруп калып жатат. Илгери жолдогу карды туз сээп тазалап койчу. Жол маселеси көйгөй жаратууда", — деди Жолдошбаев.
Эл өкүлү мындан сырткары көмүрдүн баасы кымбат болуп жатканын айтып, маселени жөнгө салууну өтүндү.
