Өзбекстан коңшулук мамилени чыңдоо үчүн Кыргызстанга делегация жиберет

© flickr.com / Stefan MunderЗдание парламента Узбекистана
Здание парламента Узбекистана - Sputnik Кыргызстан
Жазылуу
Эки тараптуу жолугушуунун алкагында атайын документтерге кол коюлат.

БИШКЕК, 24-окт. — Sputnik. Эки күндөн кийин Кыргызстанга Өзбекстандан атайын делегация келе тургандыгын өкмөттүн маалымат кызматынан кабарлашты. 

Сапардын негизги максаты өз ара достук жана коңшулук мамилелерди бекемдөө экени белгиленет. 

"Өзбекстандын делегациясы Ош облусуна келет. Конокторго Бабур атындагы драма театрында "Манастын уулу Семетей" спектакли тартууланат", — деп айтылат маалыматта.

Ошондой эле аталган делегация Кыргызстан элдеринин Ассамблея өкүлдөрү менен жолугушат. 

"Сапардын алкагында делегация мүчөлөрү Ош мамлекеттик университетинин студенттери менен жолугушат. Муну менен катар айыл чарба продукцияларынын жарманкесине катышуу менен "Сулайман- Тоо" комплексине дагы барышат", — деп белгиленет маалыматта. 

Эки тараптуу жолугушуунун алкагында бир катар документтерге кол коюлат. 

Белгилей кетсек, Кыргызстандын вице-премьери Мухамметкалый Абулгазиев баштаган делегация 1-октябрда өзбек тараптын чакыруусу боюнча Анжиян облусуна барган. Анда кыргыз-өзбек чек ара кызматташтыгын өнүктүрүү маселеси талкууга алынган.

Жаңылыктар түрмөгү
0