Атамбаевдин кызы Алиянын үлпөт тоюн кыргызча алып барган орус тамаданын сыры

© Sputnik / Табылды КадырбековТамада Вячеслав Мантусов интервью учурунда
Тамада Вячеслав Мантусов интервью учурунда - Sputnik Кыргызстан
Жазылуу
Кыргыз тилинде суудай билген орус жигит кыргыз тойлорун тейлеп келет. Элдин ага болгон мамилесин Светлана Федотова билип көрдү.

Sputnik Кыргызстан агенттигинин кабарчысы той менен кечелердин алып баруучусу Вячеслав Мантусов менен баарлашты.

— Жыл ичинде канча иш-чараны тейлөөгө жетиштиңиз?
— 159га жетти анын 90ну үлпөт той. Август, сентябрь, октябрь айлары эң кирешелүү учур болуп эсептелет. Алты жыл атымды элге таанытайын деп тер төгүп иштедим. Андан кийин гана жакшы киреше таба баштадым.

— Кечелерди кыргыз тилинде алып барууга эмне түрткү болду?
— Ар бир алып баруучу өзгөчөлөнүп турушу керек. Анын үстүнө Кыргызстанда жашагандыктан тил билүү өтө маанилүү. 

© Sputnik / Табылды КадырбековВячеслав Мантусов: орус бала чыгып орусча сүйлөп баштаса коноктордун маанайы чөгө түшөт. Анан кыргызча сүйлөй баштайм. Алгач таң кала карашып кийин сыйлап калышат
Ведущий праздничных мероприятий и тоев Вячеслав Мантусов - Sputnik Кыргызстан
Вячеслав Мантусов: орус бала чыгып орусча сүйлөп баштаса коноктордун маанайы чөгө түшөт. Анан кыргызча сүйлөй баштайм. Алгач таң кала карашып кийин сыйлап калышат

— Эл кандай кабыл алып жатат?
— Орус бала чыгып орусча сүйлөп баштаса коноктордун маанайы чөгө түшөт. Анан кыргызча сүйлөй баштайм. Алгач таң кала карашып кийин сыйлап калышат.

— Кыргыз тилин качан үйрөндүңүз эле? 

Тамада Эрнис Турганбаев - Sputnik Кыргызстан
Арабадагы тамада: майыптык ишиме жолтоо кылбайт, азыр оокатыбызды оңдоп алдык
— Мен Жалал-Абад облусуна караштуу Кара-Көл шаарында туулгам. Досторумдун бардыгы кыргыз. Ошолор үйрөттү. Бишкекке көчүп келгенимде көпчүлүк кыргызча эркин сүйлөй турганымды заматта байкашты. Кыргыздарды көргөндө автоматтык түрдө кыргызча сүйлөй баштайм. Кээде эмне деп айтканымды орусча сурап калышат (күлүп). 

Башкалардан кем калбай Шайырлар жана тапкычтар клубунда ойной баштадым. Кийин досторум "Тамашоу" программасына катышууну сунуштап калышты. Лигада эки жыл ойноп үч жолу мыкты оюнчу атыктым.

Орус адам кыргыз тилинин беделин көтөрүп жатса кымыңдап сүйүнөм. Учурда оюмду кыргыз тилинде эркин түшүндүрө алам. Бирок бул дагы жетишсиз. Ошондуктан адабий тилди үйрөнүүгө багыт алдым. 

— Көпчүлүк учурда тойго келген коноктор кызуу болуп калышат. Аларды шаңга бөлөө оңой эле болсо керек?
— Мен адал үлпөт тойлорду алып барып калдым. Анда такыр ичимдик коюлбаганы менен коноктор шаңдуу эле отурушат.

— Той учурунда сиз дагы 100 граммдан сеп этип аласызбы?
— Жок. Мен кызматтамын. Иш учурунда ичимдик ичкен болбойт. Айрым кардарлар келип алып "сен мени менен ичпесең, демек мени сыйлабайсың" дешет. Мындай учурларда "мен программаны алпарып алайын анан экөөбүз отуруп алып ичебиз" деп коем. Төрт жыл мурун арак дечүмүн кылчумун, эми болсо виски деп койсом мени сыйлагысы келген адамдын каалоосу заматта жоголот.

© Sputnik / Табылды КадырбековВячеслав Мантусов: иш-чараларды кыргызча алып баргандар көбөйө баштаса, мен тескерисинче кубанычта болом. Атаандаштык болуп турган жакшы. Адамдын бир жерде туруп калбай, андан ары өсүүсүнө өбөлгө түзөт
Ведущий праздничных мероприятий и тоев Вячеслав Мантусов - Sputnik Кыргызстан
Вячеслав Мантусов: иш-чараларды кыргызча алып баргандар көбөйө баштаса, мен тескерисинче кубанычта болом. Атаандаштык болуп турган жакшы. Адамдын бир жерде туруп калбай, андан ары өсүүсүнө өбөлгө түзөт

— Жубайыңыз кызганбайбы?
— Азыр интервью берип жатсам, жубайым унаада күтүп отурат. Ал эми ишиме түшүнүү менен мамиле жасайт.

— Күлкүлүү учурлар көп эле болсо керек?

Экс-министр внутренних дел, вице-президент Федерации спортивной борьбы КР Мелис Турганбаев - Sputnik Кыргызстан
Мелис Турганбаев Чодронова, "Достуктагы" операция жана кылмыштуулук тууралуу айтты
— Албетте. Биздин эл мактанганды абдан жакшы көрүшөт. Бир жолу кыз узатуу тоюн алып барып жаткам. Колуктунун атасы жаныма келип "атайын 70 гана адамды чакырдык. Атамбаевдин кызынын үлпөт тоюнда да 30 эле адам болуптур" деди, "ооба билем алардын тоюн мен алпаргам" деп жооп берип койгом. Кийин той акырында ал киши коноктордун бардыгына жарыялап салса боло. Диджейим аябай каткырып күлдү.

— Демек президенттин кызынын үлпөт тоюн сиз тейлеген турбайсызбы?
— Ооба, мен алып баруучу болгом. Тилекке каршы, алар тууралуу жаман кептер көп жазылды. Чындыгында Алия менен Константин жарашыктуу түгөйлөр. Менин билишимче тойдун чыгымдарын жигит өзү көтөргөн. Үй-бүлөлүк сонун иш-чара болду. Анда түгөйлөрдүн эң жакын адамдары катышты.

— Сиздин "өзгөчөлүгүңүздү" башкалардан кызганбайсызбы?
— Жок, иш-чараларды кыргызча алып баргандар көбөйө баштаса, мен тескерисинче кубанычта болом. Атаандаштык болуп турган жакшы. Адамдын бир жерде туруп калбай, андан ары өсүүсүнө өбөлгө түзөт.

Жаңылыктар түрмөгү
0