12:17 21 Жетинин айы 2017
Түз эфир
Арашан капчыгайы, архив

Жаш окумуштуулар токой чарбасы боюнча конференцияга чогулат

© Фото / Влад Ушаков
Коом
Кыскача шилтеме алуу
131 0 0

Илимдер академиясы Кыргызстандын токойлору өзүнүн ар түрдүүлүгү, татаал структурасы менен Орто Азия чөлкөмүндө жаратылышты коргоодо өзгөчө орунду ээлей турганын белгилейт.

БИШКЕК, 15-окт. — Sputnik. Үстүбүздөгү жылдын 16-17-октябрь күндөрү Улуттук илимдер академиясында "Евразия токойлору — Тянь-Шандын бермети" деп аталган жаш окумуштуулардын Эл аралык XVI конференциясынын ачылышы өтөт. Бул тууралуу аталган академия билдирди.

Маалыматка ылайык, быйылкы иш-чара Кыргызстанда токой илимин негиздөөчү, атактуу окумуштуу Петр Гандын 100 жылдыгына арналган. 

"Бул конференциянын бул жерде өтүүсү кокустук эмес, себеби Кыргызстандын токойлору өзүнүн ар түрдүүлүгү, татаал структурасы менен Орто Азия чөлкөмүндө жаратылышты коргоодо өзгөчө орунду ээлейт", — деп айтылат билдирүүдө. 

Өткөрүлчү конференциянын негизги максаты – жаш окумуштууларды жаратылышты пайдалануунун ар түрдүү тармактарындагы акыркы жетишкендиктери менен Тааныштыруу. Андан сырткары токой чарбасын жүргүзүүдө экология жагынан зыян келтирбөө үчүн биология, генетика жана биохимия тармагындагы акыркы жетишкендиктерди пайдалануу. 

Мындан тышкары, окумуштуулар токой экосистемасынын, Тянь-Шань токой өсүмдүктөрү өскөн зонадагы биологиялык ар түрдүүлүктү сактоонун инновациялык методдорун колдонуу, Кыргызстандагы токойдун жыгач эмес, жыгач продукциясын, алардын калдыктарын иштетүү технологиялары менен таанышат. 

Тема боюнча

National Geographic Кыргызстан тууралуу роликти өз сайтына жайгаштырды
Премьер Жээнбеков Жалал-Абад эли менен жолугуп, чарба иштерин көрөт
Белгилер:
академия, конференция, токой, Кыргызстан
Колдонуу эрежелериПикирлер

ЭҢ МААНИЛҮҮ