Прокурор Курманалиевдин унаасын жардырууга шектелген жаран кармалды

© Фото / предоставлено МВДВзрыв машины работника прокуратуры в селе Орто-Сай
Взрыв машины работника прокуратуры в селе Орто-Сай - Sputnik Кыргызстан
Жазылуу
Кол салуудан прокурордун колу билегинен жулунуп кеткен. Ооруканага түшүп, ага бир катар операциялар жасалган.

БИШКЕК, 14-окт. — Sputnik. Орто-Сай айылында 29-июлда прокуратура кызматкери Эркин Курманалиевге болгон кол салуунун бети ачылды деп билдиришти Башкы прокуратурадан. 

Көзөмөл органынын берген маалыматында кылмышка шектелген А.Т. аттуу адам кармалган.

"Ал кишинин жашаган жерин текшере келгенде жардыруу жасалган жерден орган кызматкерлери тапкан заттар чыккан. Кармалган адам тергөө маалында жыйналган маалыматтарды тастыктаган көрсөтмө берип, кылмышты мойнуна алып жатат",— деп айтылат маалыматта.

Поврежденный от взрыва автомобиль работника прокуратуры в селе Орто-Сай - Sputnik Кыргызстан
Унаасы жарылып, колу жулунуп кеткен прокурордун абалы жакшырып, өзү басып калды
Прокурорго ким кол салгандыгын Башкы прокуратуранын, Аскер прокуратурасынын жана ИИМдин бир катар түзүмдөрү биргелешип иликтеген. 

Башкы прокуратурадан кылмыштын бардык жагдайлары аныкталып жаткандыгын, кененирээк маалыматтар тергөө иштери аяктагандан кийин берилерин билдиришти. 

Эске салсак, 29-июлда Орто-Сай айылында прокуратура кызматкери Курманалиевдин Lexus үлгүсүндөгү унаасы жарылып, кызматкердин колу жулунуп кеткен. Ал ооруканага түшүп, бир катар операциялар жасалган.

Жаңылыктар түрмөгү
0