06:08 15 Тогуздун айы 2019
Түз эфир
  • USD69.8079
  • EUR77.0016
  • RUB1.0846
Соттолгон жаран. Архивдик сүрөт

ТИМ: чет жакта 1946 кыргызстандык соттолгон

© Sputnik / Табылды Кадырбеков
Коом
Кыскача шилтеме алуу
163 0 0

Соттолгондордун басымдуу бөлүгү Россияда.

БИШКЕК, 13-окт. — Sputnik. Чет жакта түрдүү кылмыштарды жасап 1946 кыргызстандык жаран соттолгонун Тышкы иштер министринин өкүлү Жогорку Кеңештин жалпы жыйынында билдирди.

Учурда парламентте "Тегеран шаарында 2015-жылдын 5-сентябрында кол коюлган Кыргызстан менен Иран Ислам республикасынын ортосундагы соттолгон адамдарды өткөрүп берүү жөнүндө макулдашууну ратификациялоо тууралуу" мыйзам долбоору талкууланууда.

КСДП фракциясынын депутаты Улан Примовдун чет жакта КРдин канча жараны соттолуп жатканына кызыкты. Тышкы иштер министрлигинин өкүлү эң көп соттолгондор Россияда экенин билдирди.

"Россияда түрдүү кылмыштарды жасаган 1508 киши соттолгон. Казакстанда — 359, Тажикстанда — 27, Украина менен Белоруссияда — 4, Кытайда — 18, Германияда — 15, Түштүк Корея менен Араб эмирлигинде — 2 киши жазага тартылган", — деди ал.

Башкы прокурордун орун басары Людмила Усманова чет жакта соттолгондорду Кыргызстанга экстрадициялоо боюнча аракеттер жүрүп жатканын айтты.

"2015-жылы 47 киши Кыргызстанга кайтарылган. Быйылкы жылдын тогуз айында 38 киши экстрадицияланды. Учурда да башка жарандарды алып келүү боюнча материалдар каралып жатат", — деди. 

Усманова экстрадициялоо соттолгон жарандын өзүнүн каалоосу менен ишке ашырыла турганын айтты. 

Талкуунун жыйынтыгында аталган мыйзамдын долбоору экинчи окууда добуш берүүгө жөнөтүлдү.

Тема боюнча

Уурулук үчүн Россияда соттолгон КР жараны чек арадан кайта кармалды
Беш ирет соттолгон чөнтөкчү эми уюлдук телефон уурдады деп шектелүүдө
Красноярскиде кызын өлтүргөн кыргызстандык аял 12 жылга соттолду
Белгилер:
сот, экстрадиция, Жогорку Кеңеш

ЭҢ МААНИЛҮҮ