БИШКЕК, 13-окт. — Sputnik. Бишкек ШИИБнин жетекчилиги №10 милиция бөлүмүнүн башчысы чуулгандуу видеодон улам кызматынан бошотулганын билдирди.
Буга чейин социалдык тармактарда аталган жетекчинин бир сойкуну калкалап, өз кабинетинде кол алдындагы кызматкерлерди урушуп жаткан видеосу тараган. Бул коомдо катуу талкууга себепчи болгон.
Иликтөөнүн жүрүшүндө видео үстүбүздөгү жылдын 15-майында тартылып алынганы такталды.
Буга карабастан шаардык милиция кызматтык териштирүү жүргүзүп, аталган кызматкер дисциплинардык жазага тартылган. Кийинчерээк ИИМдин ички коопсуздук кызматы кайрадан иликтөө жүргүзүп, анын жыйынтыгы менен бөлүм башчы кызматынан алынды.
