Жогорку Кеңеш демөөрчүлөрдүн арты менен 120 кресло сатып алган

© Sputnik / Жоомарт УраимовНовые кресла для депутатов ЖК
Новые кресла для депутатов ЖК - Sputnik Кыргызстан
Жазылуу
Аталган креслолор жайында сатып алынгандыктан, депуттар эки айдан бери колдонулуп келет.

БИШКЕК, 6-окт. —Sputnik. Демөөрчүлөр Жогорку Кеңешке 120 кресло сатып беришкен. Бул тууралуу Sputnik Кыргызстан агенттигине ЖКнын маалымат кызматынын жетекчиси Ибрагим Нуракун уулу билдирди. 

Ал аталган креслолор жайында эле сатып алынганын, депутаттар эки айдан бери колдонуп жатканын кошумчалады. 

Эскерте кетсек, былтыр кресло алууга 2,6 миллион сомдук тендер жарыяланып, коомчулукта бир топ сын пикирди жараткан. Мындан улам тендер токтотулуп, депутаттар эски отургучтарына эле отурмай болушкан

"ЖК аппаратынын жетекчиси Абдыманап Кутушевге демөөрчүлөрдү табуу менен кресло алуу тапшырмасы коюлган. Кутушев демөөчүлөрдү таап, жайында эле 120 кресло сатып алганбыз. Депутаттар эки айдан бери ошол креслолорго отурушат", — деди ал. 

Маалымат кызматтын жетекчиси демөөрчүлөр тууралуу маселени бир гана аппараттын жетекчиси билерин айтып, ошондон тактоо керектигин айтты. 

Ал эми ЖК аппарат жетекчиси менен байланышууга мүмкүнчүлүк болгон жок.

Жаңылыктар түрмөгү
0