БИШКЕК, 21-сен. — Sputnik. Экс-президент Курманбек Бакиевдин учагын саткандан түшкөн акча каражаты карызды төлөөгө жумшалган. Бул тууралуу Sputnik Кыргызстан агенттигине "Кыргызстан" авиакомпаниясынын башкармалыгынын төрагасы Жолдошбек Бектурганов билдирди.
Бул аба кемеси Транспорт жана коммуникация министрлигинин балансында турган. Апрель окуясынан кийин ал мамлекеттик "Эйр Кыргызстан" компаниясына өткөрүлүп берилген. Ал эми 2015-жылдын аягында учак 3 миллион 130 миң долларга сатылган. Тендерди Aerovista FZE (Бириккен Араб Эмираты) жоопкерчилиги чектелген уюму жеңип алган.
"Учакты сатуудан түшкөн каражаттын жарымын, тагыраак айтканда 1,3 миллион долларды 2013-жылы Boeing 737 300 аба кемесин сатып алгандагы карызды жабууга жумшадык", — деди Бектурганов.
Анын берген маалыматына караганда, компания дагы бир учакты финансылык лизингдин жардамы менен алуунун пландап жатат. Бакиевдин учагын сатуудан түшкөн каражаттын калган бөлүгүн алдын ала төлөм катары төгүшөт.
