Ажо Атамбаевдин буга чейин ооруган учурлары. Жасалган операциялар

Жазылуу
Президент алды кийин коомчулуктун назарына түшүп, элдин көңүлүн бургудай, капыстан ноокастаган эмес. Төмөндө Sputnik Кыргызстан президенттин саламаттыгы боюнча бир нече учурларды тизмектеп көрдү.

БИШКЕК, 20-сен. – Sputnik. Президент Алмазбек Атамбаевдин маалымат кызматы мамлекет башчысы ара жолдон учагын Стамбулга кондуруп, учурда Түркияда экенин, дарыгерлер жүрөк оорунун белгилерин тапканын кабарлады.

Профилактикалык текшерүү дешкен. Атамбаев 2015-жылдын июнь айында Бишкек шаарындагы Токтогул көчөсүндөгү жеке клиникага келип көрүнгөн. Кабар алгач социалдык тармактарга тарап, андан кийин президенттин маалымат катчысы профилактикалык текшерүүдөн өттү деген маалымат берген.

Президент Алмазбек Атамбаев. Архив - Sputnik Кыргызстан
Атамбаев жөнүндө 10 факты. Саясаттан энелердин азабына чейин өздөштүргөн ажо
Кытай тастыкталган эмес. Былтыр бир катар маалымат каражаттары Атамбаевдин Кытайга дарыланууга кеткендигин жазып, бирок ал тастыкталган эмес. 

Москвада операция жасаткан. 2014-жылдын февраль айында президент Москва шаарындагы клиникалардын биринде тизесине операция жасатып, ал ийгиликтүү болгон. Мындан кийинки реабилитация учурунда Атамбаев бир топко таяк таянып жүргөн. 

Түркияда аскердик меджайдан кароодон өткөн. 2013-жылы Түркиянын ал кездеги президенти Абдуллах Гүлдүн чакыруусу менен барып, эки тараптуу кызматташууну талкуулаган. Аны менен катар эле Атамбаев "Гүлхане" деп аталган аскер медициналык академиясында болгон. Кыргызстандын мамлекет башчысы ал жердеги мыкты делген дарыгерлердин медициналык кароосунан өткөн.

Түркияда жасалган дагы бир операция. 2008-жылы Анкара шаарындагы клиникалардын биринде кызыл өңгөчүнө операция жасалган.

Уулангандан кийин. Атамбаев ушул эле академиядан 2007-жылдагы ууландырылды деген окуядан кийин келип да саламаттыгын текшерткен.

 

Жаңылыктар түрмөгү
0