Баткенде кыргыз-тажик чек арасында кайрадан тирешүү болду

© Sputnik / Евгений Епанчинцев / Медиабанкка өтүүЧек арачы күзөт малындагы архивдик сүрөт. Архив
Чек арачы күзөт малындагы архивдик сүрөт. Архив - Sputnik Кыргызстан
Жазылуу
Жергиликтүү бийлик органдарынын өкүлдөрү 40 жакын тажик жараны келгендигин билдирди.

БИШКЕК, 19-сен. — Sputnik. Баткен районунун Көк-Таш айыл өкмөтүнүн Ак-Сай айыл аймагына 18-сентябрда белгисиз адамдар келип, чек ара аймагына ак-сайлыктар орноткон темир бетонду кулатып кетишкен. Бул туурасында Мамлекеттик чек ара кызматынан кабарлашты. 

Ал эми райондук жергиликтүү бийлик органдарынын өкүлдөрү аталган аймакка 40ка жакын тажик жараны келгендигин билдирди.

"Окуя болгон жерге тартип коргоо жана жергиликтүү бийлик органдарынын, чек ара кызматынын өкүлдөрү дароо жетип келген. Ал такталбаган жер болгондуктан, аталган тилкени эки өлкөнүн өз ара келишимдерине ылайык кайтарууга алуу чечими кабыл алынган. Бул чечим аймактын кимге карай турганы аныкталганга чейин аткарылат", — деп айтылат аталган ведомство тараткан маалыматта.

Телемунара. Архив - Sputnik Кыргызстан
Үңкүр-Тоодогу телемунаранын кызматкерлери жумушка чыгышты
Ал эми окуя болгон күндүн эртеси аталга жердеги кулатылган темир бетон түркүк кайра тургузулган.

Буга чейин айрым маалымат каражаттары жазган Тажикстандын 40 жараны мыйзамсыз кирип алып, шагыл казган деген маалыматтарды Чек ара кызматы четке какты. 

Ал эми Көк-Таш айыл башчысы Разия Өсөрова аталган аймакка 40ка жакын жаран келгенин, бирок алар артка кайтарылганын билдирди. 

"Кечээ саат түнкү бирлерде 40тай тажик жараны барып Ак-Сай айылы деген жазуусу бар тумбаны жыгып, аталган айылга кеткен тарапта "жолго таштанды ыргытпагыла" деген жарнамаларды талкалап кеткен. Алар шагыл алуу үчүн келишкен. Чек ара кызматынын өкүлдөрү сүйлөшүү жолу менен аларды чек арадан чыгарды", — деди Өсөрова.

Бул аймакта апрель айынын башында Кыргызстан менен Тажикстандын окуучулары бири-бирин ташка алган окуя катталган. 

Жаңылыктар түрмөгү
0