БИШКЕК, 18-сен. — Sputnik. Интеллектуалдык менчик жана инновациялар мамлекеттик кызматы "Пираттыкка жол жок — 2016" акциясын 22-сентябрда өткөрө тургандыгын кабарлады.
Билдирмеге караганда акциянын негизги максаты интеллектуалдык менчиктин маани-маңызын коомчулукка жеткирүү болуп эсептелет.
"Акцияда флешмоб уюштурулуп, иш-чара белгилүү ата мекендик ырчылардын коштоосунда өтөт. Көрүүчүлөр атайын оюндарга активдүү катышып белектерди утса болот", — деп айтылат маалыматта.
Иш-чара 22-сентябрь күнү "Манас" кинотеатрынын аймагында саат 15:00дө башталат. Кирүү акысы бекер.
