Картондо уктаган бала: Исхактын үй-бүлөсүнүн документтери жок болуп чыкты

© SputnikФото с социальной сети Facebook. 3-летний мальчик по имен Исхак спит на картоне.
Фото с социальной сети Facebook. 3-летний мальчик по имен Исхак спит на картоне. - Sputnik Кыргызстан
Жазылуу
Документ маселеси чечилгенден кийин жалгыз бой аял жумушка орноштурулуп, балдар бала бакчага киргизилет.

БИШКЕК, 18-сен. — Sputnik. Социалдык тармактарда катуу талкууга алынган картондо уктап жаткан баланын үй-бүлөсүнө жардам берилди. Бул тууралуу Sputnik Кыргызстан агенттигине Ош облусундагы ыйгарым укуктуу өкүлчүлүктүн маалымат катчысы Жумамидин Сулайманкулов билдирди. 

Буга чейин соцтармакта Ош облусундагы болжол менен Кара-Суу базарында картондун үстүндө уктап жаткан баланын сүрөтү талкууга алынган.

Sputnik Кыргызстан агенттигинин кабарчысы баланын үй-бүлөсүн тапканда, алар турмуштун оор сыноосуна кабылганы белгилүү болду. Баланын аты Исхак, ал үч жашта. Анын 35 жаштагы энеси Зульфия балдарын уктатып коюп базарда иштеп жаткан. 

Президент Алмазбек Атамбаев. Архив - Sputnik Кыргызстан
Атамбаев Кара-Суунун базарында картондо уктаган баланын чоо-жайын тактоону тапшырды
Зульфия үстүндө үйү жок калганын билдирип, жолдошу Бишкекке иш издеп кеткен бойдон дайынын билдирбей кеткенин айткан. Ал эми президент жергиликтүү бийликке абалды иликтеп чыгууну тапшырган

Сулайманкуловдун айтымында, өкмөттүн Оштогу ыйгарым укуктуу өкүлү менен Кара-Суу районунун жетекчилиги 10 миң сомдон каражат чыгарып, балдарга тамак-аш менен кийим —ече сатып беришкен. 

"Алардын жылуу кийимдери жок экен. Батирден аларды эч ким кубалаган эмес. Үйдү сатууга туура келгендиктен чыгарышыптыр. Кичинекей Исхак энеси Кара-Суу базарында иштеп жаткан маалда картондун үстүнө уктап калган. Зульфиянын паспорту жок экени белгилүү болду. Жоготуп алдым дейт. Балдарынын дагы күбөлүктөрү жок экен", — деп билдирди Сулайманкулов. 

Маалымат катчы белгилегендей документ маселеси чечилгенден кийин жалгыз бой аял жумушка орноштурулуп, балдар бала бакчага киргизилет. Азырынча аталган үй-бүлө мурунку эле үйүндө жашап жатат. Кара-Суу райондук администрациясы турак жай маселесин чечүүгө жардам бермекчи.

Жаңылыктар түрмөгү
0