БИШКЕК, 16-сен. — Sputnik. Улуттук китепканада "Россия жана Кыргызстан 1916-2016: түптүү тарых" көргөзмөсү ачылат. Бул тууралуу "Евразиялыктар — жаңы толкун" коомдук фондусу билдирди.
Россиянын федералдык архив агенттиги тарабынан даярдалган экспозициянын көргөзмөсү 17-сентябрь күнү саат 16:00дө ачылат.
"Эки өлкөнүн тарыхын, маданиятын, экономикасын жана мамилелерин чагылдырган 300дөн ашуун документтер коюлат. Өзгөчө басым Үркүндүн 100 жылдыгына жасалган", — деп айтылат маалыматта.
Көргөзмөдө Улуу Ата Мекендик согушта эрдик кылган кыргыз жана орус баатырларына арналган атайын бөлүк болот.
Иш-чарага бардык каалоочулар катыша алат.
