"Ата Мекен" фракциясы "Манас" аэропортунун кирешесине кызыкты

© Sputnik / Табылды КадырбековЗдание Международного аэропорта "Манас" в Чуйской области. Архивное фото
Здание Международного аэропорта Манас в Чуйской области. Архивное фото - Sputnik Кыргызстан
Жазылуу
Депутаттар жума күнү "Манас" аэропортуна барып, бардыгын жеринен өз көздөрү менен көрүп келе турган болду.

БИШКЕК, 16-сен. — Sputnik. "Ата Мекен" фракциясы "Эл аралык "Манас" аэропорту "Манас Менеджмент Компани" ЖЧКсын кантип сатып алганына кызыгып, бул маселени өз жыйынында талкуулады.

Ал үчүн "Манас" аэропортунун башкы директору Эмир Чукуев чакырылган. Анын айтымында, 1998-жылы түзүлгөн компаниядан аэропорт жетекчилигине ишкананын 80 пайыз акциясын сатып алуу боюнча сунуш түшкөн. 

"Манас Менеджмент Компани" ишканасынын учакты тамак-аш менен камсыздоо цехинен тышкары, карго-терминалы жана жүк түшүрүүчү борбору бар. Ошол маалда түрктөрдүн "Челеби" компаниясы дагы "Манас Менеджмент Компани" ЖЧКсын сатып алууга кызыкдарлыгын билдирген.

"Аталган компаниянын 80 пайыз акциясы алгач 21 миллион доллар деп бааланган, бирок сүйлөшүүлөрдүн жүрүшүндө биз аны 12 миллион долларга сатып алдык. Бул биздин компания үчүн пайдалуу болгон", — дейт ал.

"Ата Мекен" фракциясынын лидери Өмүрбек Текебаев "Манас" аэропорту бул компанияны сатып алгандан кийин канча пайда тапканына кызыкты.

Өз кезегинде Чукуев компания 2015-жылдын жыйынтыгы менен 4 миллион долларлык кирешеге ээ болгонун айтты.

Ал эми депутат Садык Шер-Нияз бул компанияны сатып алууда аны саткан компания чыгымга учураганбы, же пайда тапканбы деген суроону бир нече жолу узатып, канааттандырарлык жооп ала албаганын айтты.

"Мамлекет 12 миллион коротуп сатып алган компания канча киреше таап жатканын так айтпайсыңарбы. Ошону сатып алуу менен биз пайда таптыкпы?" — деген суроо салды депутат.

Жыйындын аягында депутаттар жума күнү "Манас" аэропортуна барып, бардыгын жеринен өз көздөрү менен көрүп текшерип келүү боюнча чечим кабыл алышты.

Жаңылыктар түрмөгү
0