Кытай элчилигиндеги жардыруу: террорчулук боюнча издөөгө алынган жаран үн катты

© AP Photo / UncreditedКытай элчилигиндеги жардыруу
Кытай элчилигиндеги жардыруу - Sputnik Кыргызстан
Жазылуу
Бишкектеги Кытай элчилигинде жардырууга тиешеси бар деген шек менен төрт киши Улуттук коопсуздук мамлекеттик кызматы тарабынан издөөгө алынган. Алардын бирөө — Мубарак Турганбаев.

БИШКЕК, 7-сен. — Sputnik. 30-августта Бишкектеги Кытай элчилигинде жардыруу уюштурган деген кине менен УКМК тарабынан издөөгө алынган Мубарак Турганбаев өзүнүн күнөөсүз экенин айтып жатат. Ал мындай пикирин Sputnik Кыргызстан агенттигине маалымдады.

Бишкек шаарындагы Кытай элчилигинин дарбазасын сүзүп, теракт жасаган автоунаа Mitsubishi Delica. Видеодон алынган стоп-кадр. - Sputnik Кыргызстан
УКМК: Бишкектеги Кытай элчилигинде жардыруу уюштургандар аныкталды
Белгилей кетсек, КРдин Улуттук коопсуздук мамлекеттик кызматы Бишкектеги Кытай элчилигинде жардыруу жасагандарга тийиштиги бар деген кине менен бир нече кишиге издөө жарыялап, айрымдарын камакка алган. УКМКнын берген маалыматы боюнча Кытай элчилигиндеги жардырууну Тажикстандын жараны жасаган.

Турганбаев Түркияга 2005-жылы келип, Стамбул университетинин эл аралык мамилелер факультетин аяктаганын айтат. Кийин бул жакта иштеп калып, төрт жылдан бери карго фирмасында иштерин белгилеп, алардын фирмасы жүк менен кошо акчаларды да которуп келгенин кошумчалады.

"Ушул жылы 1-июлда бул жакта ресторан иштеткен жалал-абаддык Бурхан деген киши 5000 долларды Искендер деген балага жөнөткөн. Бул киши буга чейин деле акча салып жүрчү. Кыргызстандан биздин фирманын Рома аттуу кызматкери Искендер деген кишиге Бишкектен акчаны берген экен. Рома анын паспортун карап-карабагандыгы тууралуу так маалыматым жок", — дейт Турганбаев.

Ал ошондой эле алардын фирмасынын Оштогу башчысы менен бухгалтери азыр камакка алынып сурак берип жатканын билдирди.

"Мен окуяны уккандан кийин Стамбулдагы консулга барып жолугуп, бардыгын түшүндүрүп бердим. Ал аны Кыргызстандагы тергөөчүгө жиберди. Мындай окуя болгон соң мага акча берген Бурханга чалып, Искендер деген ким деп сурадым. Ал дагы аны тааныбай турганын, акчаны ага башкалар бергенин билдирди. Бирок мен тактап бериңиз дегенде ага акчаны Стамбулда жашаган Бахтияр деген өзбекстандык бала бергенин айтты", — деди ал.

Кытай элчилиги. Архив - Sputnik Кыргызстан
Кытай элчилигиндеги терактыдан жабыркагандар ооруканадан чыкты
Турганбаев азыр адвокат жалдап, эмне үчүн мындай маалыматтардын чыгып кеткенин билейин деп жатканын белгиледи. Ага издөө салгыдай качып кетпегенин айтып, эгер аны суракка чакырса бармактыгын белгиледи.

Ал эми УКМК учурда тергөө амалдары жүрүп жаткандыктан тергөөнүн кызыкчылыгы үчүн маалымат бербей турганын билдирди.

Жаңылыктар түрмөгү
0