04:43 21 Жетинин айы 2017
Түз эфир
Бишкек шаарындагы Кытай элчилигинин дарбазасын сүзүп, теракт жасаган автоунаа Mitsubishi Delica. Видеодон алынган стоп-кадр.

УКМК: Бишкектеги Кытай элчилигинде жардыруу уюштургандар аныкталды

© Фото / Интернет-пользователь
Коом
Кыскача шилтеме алуу
Бишкектеги Кытай элчилигинде болгон жарылуу (35)
246931

Жан кечти 1983-жылы туулган Тажикстандын жараны болуп чыкты.

БИШКЕК, 6-сен. — Sputnik. Бишкек шаарындагы Кытай элчилигинин дарбазасын сүзүп, теракт жасаган кишинин ким экени аныкталганын Улуттук коопсуздук боюнча мамлекеттик комитет билдирди.

  • Кыргызстандагы Кытай элчилигинин аймагында жардыруу уюштургандар аныкталды
    Кыргызстандагы Кытай элчилигинин аймагында жардыруу уюштургандар аныкталды
    © Фото / пресс-служба ГКНБ КР
  • КРдин атайын кызматы ыкчам-иликтөө иштеринин жүрүшүндө алынган маалыматка таянуу менен жардыруунун артында уйгурлардын террордук тобу турганын билдирди
    КРдин атайын кызматы ыкчам-иликтөө иштеринин жүрүшүндө алынган маалыматка таянуу менен жардыруунун артында уйгурлардын террордук тобу турганын билдирди
    © Фото / пресс-служба ГКНБ КР
  • Колго жасалган жарылуучу затка колдонулган каражат
    Колго жасалган жарылуучу затка колдонулган каражат
    © Фото / пресс-служба ГКНБ КР
  • Колго жасалган жарылуучу затка колдонулган каражат
    Колго жасалган жарылуучу затка колдонулган каражат
    © Фото / пресс-служба ГКНБ КР
  • Сокулук районунун Ново-Павловка айылында террорчулар батирге алды делген үй
    Сокулук районунун Ново-Павловка айылында террорчулар батирге алды делген үй
    © Фото / пресс-служба ГКНБ КР
1 / 5
© Фото / пресс-служба ГКНБ КР
Кыргызстандагы Кытай элчилигинин аймагында жардыруу уюштургандар аныкталды

Эскерте кетсек, 30-августта эртең менен жан кечти Mitsubishi Delica үлгүсүндөгү автоунаа менен Кытай элчилигинин дарбазасын сүзүп, өзүн жардырып жиберген. Анын кесепетинен кыргызстандык үч жаран жаракат алган. Аталган факты боюнча УКМК Кылмыш жаза кодексинин терроризм беренеси боюнча кылмыш ишин козгогон.

"Ыкчам-иликтөө иштеринин жүрүшүндө теракт уюштуруучулар аныкталган. Алар Сириянын аймагындагы уйгур террордук топтору. Булар менен "Жабхат ан Нусра" террордук уюму тыгыз байланышта. Алардын эмиссарлары "Жамаат Таухид ва Жихад" "Абу Салоха" эл аралык уюмунун башчысы аркылуу Кыргызстандагы Кытай элчилигине карата террордук акты уюштуруп, аны каржылаган", — деп айтылат билдирүүдө.

Бүгүн, 6-сентябрда бул аракеттери ишке ашырууга катыштыгы барлар дагы аныкталып, жан кечти Тажикстандын жараны экени билинген. Ал Сириянын аймагындагы "Чыгыш Түркестандагы Ислам кыймылы" эл аралык террордук уюмунун мүчөсү болгон.

Андан сырткары, билдирүүдө Ош шаарынын 25 жаштагы тургуну издөөгө алынганы, ал Сирияда атайын машыгуулардан өтүп, Кыргызстанга 16-июнда Тажикстандын жаранынын наамына берилген паспорт менен киргени айтылат. Ошондой эле Бишкекке келгенден кийин Сокулук районунан батирге үй алып, Mitsubishi Delica үлгүсүндөгү автоунаа сатып алган. Маалыматта жанкечтиге жасалма жардыруучу затты даярдоого жардам бергени кабарланат.

Ал 30-августта теракт болгонго бир нече саат мурун Ош — Стамбул аба каттамы боюнча 

Тажикстандын жаранына берилген паспорт менен чыгып кеткен.

Бул ишке тийиштиги бар делген беш жаран УКМКнын кызматкерлери тарабынан кармалып, убактылуу кармоо жайына киргизилген. 

Ошондой эле Түркиядагы "Адал-Тур" фирмасынын өкүлү 29 жаштагы жаран издөөгө алынып, терактыны каржылоо жагын көзөмөлдөп турган деп шектелип жатат. Алдын ала маалыматтар боюнча учурда Стамбулда.

Андан сырткары, терактыны уюштуруучулардын катарында бар делген дагы бир жаран изделүүдө. Ал Жалал-Абад облусунун Базар-Коргон районунун тургуну. Алдын ала маалыматтар боюнча ал дагы Стамбул шаарында.

Кытай элчилигиндеги жарылуунун чоо-жайын Sputnik Кыргызстан даярдаган материалдан окуңуз>>

Тема:
Бишкектеги Кытай элчилигинде болгон жарылуу (35)

Тема боюнча

Кытай элчилигиндеги терактыдан улам Оштун кире беришине тосмолор коюлду
ТИМ: терактыдан улам Кытайга виза убактылуу берилбейт
Белгилер:
терроризм, УКМК
Колдонуу эрежелериПикирлер

ЭҢ МААНИЛҮҮ