Кырчын: боз үй тигүү боюнча Ысык-Ата командасы жаңы рекорд койду

Жазылуу
Аталган команда 10 мүнөт 16 секундда коюлган тапшырманы аткарып, атаандаштарын артка таштаган.

КЫРЧЫН, 6-сен. — Sputnik. II Дүйнөлүк көчмөндөр оюндарынын алкагында боз үй тигүү боюнча сынак өтүп, анда жаңы рекорд коюлду.

Аталган сынакка жети облустан жана Бишек, Ош шаарларынан болуп жалпысынан 33 команда катышты. 

© Фото / Исмаил Мамытов10 мүнөттө боз үй тигип, рекорд койгон шамдагай жигиттердин тобу. Жетекчиси — Алыбек Асангулов (оңдон биринчи)
Соревнования по установке юрты на джайлоо Кырчын - Sputnik Кыргызстан
10 мүнөттө боз үй тигип, рекорд койгон шамдагай жигиттердин тобу. Жетекчиси — Алыбек Асангулов (оңдон биринчи)

Баарынан биринчи болуп Ысык-Ата командасы 10 мүнөт 16 секундда тапшырманы аткарып, жаңы рекорд жарата алды. 

Көчмөндөрдүн модасы - Sputnik Кыргызстан
Ыр-күү жана саркеч көчмөндөр. Этнофестиваль ирмемдери
Сынактын байге фонду 150 миң сомду түзүп, анын жүрүшүн 17 адамдан турган калыстар тобу байкап турушту. Алар текшерүүдө эч кандай кемчилик болбогонун билдирди. 

Эске сала кетсек, буга чейинки Көчмөндөр оюндарында өткөн боз үй тигүү боюнча сынакта Ысык-Көл облусуна караштуу Тоң району 17 мүнөттө тапшырманы аткарып, биринчиликти багындырган. Ал эми 2015-жылы "Дүйнө элдеринин эпостору" фестивалындагы рекорд 14 мүнөт 10 секунд болуп саналат.

Учурда сынак уланып жатат. Азыр калган командалар жарышууда.

II Дүйнөлүк көчмөндөр оюндары 8-сентябрга чейин уланат. 

Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү болуп саналат.

Жаңылыктар түрмөгү
0