Атамбаев Эрдоганга Газиантептеги трагедия боюнча көңүл айтты

Жазылуу
Анда кыргызстандыктар боордош түрк элинин кайгысын тең бөлүшүп, Түркиянын террорчулук менен чечкиндүү күрөшүн колдой турганы айтылат.

БИШКЕК, 22-авг. — Sputnik. Президент Алмазбек Атамбаев Түркия лидери Режеп Тайип Эрдоганга Газиантеп провинциясындагы трагедияга көңүл айтып, жарадарлардын тезирээк айыгып кетишин тилээрин айтты.

Газиантеп шаарында теракттан каза болгон 3 айлык Сехрибан Нурбайдын туугандары жерге берүү зыйнатында - Sputnik Кыргызстан
Түркия: "кандуу үйлөнүү тойдун" жаңы жагдайлары ачылды
Мамлекет башчысынын телеграммасында Кыргызстан эли боордош түрк элинин кайгысын тең бөлүшүп, Түркиянын террорчулук менен чечкиндүү күрөшүн колдой турганы айтылат. 

Атамбаев каза болгондордун жакындарына кайрат айтып, жарадар болгондордун тезирээк айыгып кетишин тилей тургандыгын билдирген. 

Өткөн ишемби күнү Газиантеп шаарында үйлөнүү тою болуп жаткан учурда жардыруу жасалып, андан 53 киши каза тапкан. Анын 29у балдар жана өспүрүмдөр болгону айтылууда. 79ге чукул адам жарадар болуп, ооруканага кайрылган.

Жаңылыктар түрмөгү
0